बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
शेयर धितो कर्जामा २५ करोडको सीमा हट्यो
वि.सं.२०८२ असोज २३ बिहीवार १०:०७
741
shares
shares
काठमाडौं । शेयर धितो कर्जाको एकल ग्राहक कर्जा सीमा हटाइएको छ ।
नेपाल राष्ट्र बैङ्कले एकीकृत निर्देशन, २०८१ मा संशोधन गरी २५ करोडको शेयर धितो कर्जाको एकल ग्राहक कर्जा सीमा हटाएको हो ।शेयर लगानीकर्ताहरूले लामो समयदेखि सीमा हटाउन माग गर्दै आएका थिए । पुँजी बजार सुधारका लागि बनेको कार्यदलले पनि यो सीमा हटाउन सुझाव दिएको थियो । जस अनुसार राष्ट्र बैङ्कले शेयर धितो कर्जाको सीमा हटाएको हो ।
यसअघि कुनै एक वा सबै इजाजतपत्र प्राप्त संस्थाहरूबाट शेयर धितोमा प्रवाह हुने मार्जिन प्रकृतिको कर्जाको अधिकतम एकल ग्राहक कर्जा सीमा कुल २५ करोड रुपैयाँ कायम थियो ।यस्तो कर्जा प्रवाह गर्ने बैङ्क तथा वित्तीय संस्थाले कर्जा प्रवाह वा नवीकरण गर्दा उक्त सीमा ननाघेको यकिन गरेर मात्र कर्जा प्रवाह नवीकरण गर्नु पर्ने व्यवस्था थियो ।
