भोगाधिकारमा लिइएका जग्गा र त्यसमाथि निर्माण गरिएका संरचना तत्काल खाली गर्न निर्देशन
पाँच दलले समानुपातिकको बन्दसूची पेस गरे
वि.सं.२०८२ पुस १४ सोमवार १३:०१
1.25K
shares
shares
काठमाडौँ । फागुन २१ मा हुने प्रतिनिधिसभा सदस्य निर्वाचनका लागि समानुपातिकतर्फ अन्तिम दिन (साढे १२ बजेसम्म) पाँच दलले मात्र बन्दसूची बुझाएका छन् । अन्य दलहरू पनि बन्दसूची बुझाउन आयोग जाने तयारीमा छन् ।
आयोगले तोकेअनुसार समानुपातिकतर्फको बन्दसूची बुझाउन सोमबार अन्तिम दिन हो । बन्दसूची बुझाउने दलहरूलाई आयोगले सोमबार साँझ चार बजेसम्म टोकन लिइसक्न भनेको छ ।पहिलो दिन आइतबार तीनवटा दलले मात्र आयोगमा बन्दसूची पेस गरेका थिए । पहिलो दिन नेपाल मजदुर किसान पार्टी, नेपाल लोकतान्त्रिक पार्टी र राष्ट्रिय जनमोर्चाले बन्दसूची पेस गरेका थिए ।
त्यस्तै, अन्तिम दिन सोमबार जनप्रिय लोकतान्त्रिक पार्टी र नेपाल कम्युनिस्ट पार्टी मार्क्सवादी (पुष्पलाल)ले बन्दसूची पेस गरेको निर्वाचन आयोगले जनाएको छ । प्रमुख लगायत अन्य दलहरू बन्दसूची बुझाउन अपराह्नसम्म आयोग पुग्ने तयारीमा छन् ।
