भोगाधिकारमा लिइएका जग्गा र त्यसमाथि निर्माण गरिएका संरचना तत्काल खाली गर्न निर्देशन
एकै चोटि ७ सचिवको सरुवा, गृहमन्त्रालयबाट ३ महिनामै बाहिरिए गृहसचिव दंगाल
वि.सं.२०८२ पुस १४ सोमवार १५:५१
1.98K
shares
shares
काठमाडौं । सरकारले गृह सचिवसहित सात सचिवको सरुवा गरेको छ । शुक्रवार बसेको मन्त्रिपरिषद् बैठकले गृह सचिव रामेश्वर दंगाललाई तीन महिनामै जिम्मेवारीबाट हटाएर लोक सेवा आयोगमा सरुवा गरेको छ ।
जेनजी आन्दोलनपछि बनेको अन्तरिम सरकारले नै दंगाललाई रक्षा सचिवबाट सरुवा गरेर गृह सचिवको जिम्मेवारी दिएको थियो ।गृह सचिवको जिम्मेवारी भने प्रधानमन्त्री तथा मन्त्रिपरिषद् कार्यालयका सचिव राजकुमार श्रेष्ठलाई दिइएको छ । श्रेष्ठ प्रधानमन्त्री कार्यालय भन्दाअघि श्रेष्ठ लोक सेवा आयोगको सचिवको जिम्मेवारीमा थिए ।
यसैगरी, श्रम, रोजगार तथा सामाजिक सुरक्षा मन्त्रालयका सचिव डा. कृष्णहरी पुष्करलाई उपराष्ट्रपतिको कार्यालयमा सरुवा गर्दै दीपक काफ्लेलाई श्रम, रोजगार तथा सामाजिक सुरक्षा मन्त्रालयको जिम्मेवारी दिइएको छ ।युवा तथा खेलकुद मन्त्रालयका सचिव डा।हरि लम्साललाई राष्ट्रपतिको कार्यालयमा सरुवा गरिएको छ भने, उपराष्ट्रपति कार्यालयका सचिव लोकनाथ पौडेललाई युवा तथा खेलकुद मन्त्रालयको सचिवको जिम्मेवारी दिइएको छ ।
लोक सेवा आयोगका सचिव किरणराज शर्मालाई प्रधानमन्त्री तथा मन्त्रिपरिषद् कार्यालयमा ल्याइएको छ ।
