तिलगङ्गा पशुपति क्षेत्रका अतिक्रमित घर भत्काइँदै
आज कांग्रेसका सभापति थापाको सभापतित्वमा बैठक बस्दै, आजै थापालाई प्रधानमन्त्री उम्मेदवार घोषणा गर्ने
वि.सं.२०८२ माघ ९ शुक्रवार ०८:३७
806
shares
shares
नेपाली कांग्रेसको केन्द्रीय कार्यसमिति बैठक आज बस्दैछ।
शुक्रबार दिउँसो १ बजे बस्नेगरी केन्द्रीय कार्यसमिति बैठक बोलाइएको छ।बैठक पार्टी केन्द्रीय कार्यालय सानेपामा बस्न लागेको हो।
बैठकका लागि विशेष महाधिवेशनबाट निर्वाचित कार्यसमिति र प्रदेश कार्यसमिति सभापतिहरूलाई बोलाइएको छ।पुस ३० गते विशेष महाधिवेशनबाट गगन थापाको सभापतित्वमा कांग्रेसको नयाँ कार्यसमिति आएको थियो।
साथै सभापति थापासहित पदाधिकारीहरूले पदभार ग्रहण गर्ने कार्यक्रम पनि छ।विशेष महाधिवेशनपछि पहिलो पटक केन्द्रीय कार्यालयमा बैठक बस्न लागेको हो।
यसअघि केन्द्रीय समिति कुपन्डोल र नयाँ बानेश्वरमा बसेको थियो।केन्द्रीय कार्यसमिति बैठकले भावी प्रधानमन्त्री उम्मेदवारमा सभापति गगन थापालाई घोषणा जाने निर्णय गर्नेछ।
फागुन २१ गते हुने प्रतिनिधि सभा निर्वाचनका लागि सभापति थापा सर्लाही ४ बाट उम्मेदवार छन्।
