हामी ४४ औँ वर्षमा

नेपाली पत्रकारिता जगतमा केही सहयोग पु¥याउने प्रमुख उद्देश्य राखेर यस साप्ताहिक पत्रिकाको पहिलो...

Abhiyan Weekly

आज बुधवार प्रतितोला ५४०० ले बढ्यो सुनको मूल्य, कतिमा हुदैँछ कारोवार ? बागमती प्रदेश सरकारमा सहभागी एमालेका ६ जना मन्त्रीले मुख्यमन्त्री बानियाँ समक्ष सामूहिक राजीनामा बुझाए प्रधानमन्त्री शाहले मन्त्रिपरिषद् बैठक बोलाए बेलायती प्रधानमन्त्रीले हटाए बिधुत्तमा लाग्दै आएको कर बझाङ केन्द्रविन्दु भएर भूकम्पको धक्का कोलकाताबाट वीराटनगर सम्म कार्गो रेल सेवा सुरू, अव २४ घण्टामै सामान आउने यस्तो छ आज बुधवारका लागि तोकिएको विदेशी मुद्राको विनिमय दर आज बुधवारको मौसम : यी ५ प्रदेशमा भारी बर्षाको सम्भावना शितलनिवास अगाडि पूर्वराजा ज्ञानेन्द्र शाहलाई भेट्न नपाएको भन्दै आत्मदाह प्रयास सर्वोच्च अदालतमा न्यायालयहरूप्रति गुनासो र उजुरी सम्बोधन गर्न न्यायिक सुशासन केन्द्र स्थापना प्रतिशोध होइन, सहकार्य चाहिएको छ : देउवा बागमती सरकारबाट बाहिरिँदै एमाले

समानुपातिक तर्फका सांसदलाई आज निर्वाचन आयोगले प्रमाणपत्र दिने, आजै राष्ट्रपतिलाई प्रतिवेदन बुझाउने

Abhiyan Weekly

वि.सं.२०८२ चैत ५ बिहीवार ०८:३४

1.34K
shares

गत फागुन २१ गते सम्पन्न प्रतिनिधिसभा सदस्य निर्वाचनको परिणामसहितको समग्र प्रतिवेदन निर्वाचन आयोगले आज (बिहीबार) राष्ट्रपति रामचन्द्र पौडेलसमक्ष बुझाउने भएको छ।

आयोगले आज बिहान ११ः३० बजे समानुपातिकतर्फ निर्वाचित सांसदलाई प्रमाणपत्र दिएपछि दिउँसो राष्ट्रपतिसमक्ष निर्वाचन परिणामसहितको समग्र प्रतिवेदन बुझाउने गरी तयारी गरेको आयोगका सहायक प्रवक्ता कुलबहादुर जिसीले जानकारी दिए।समानुपातिक सांसदलाई प्रमाणपत्र दिएर राष्ट्रपति रामचन्द्र पौडेललाई प्रतिवेदन बुझाएपछि आयोगले आज साँझ ५ः३० बजे आयोगको केन्द्रीय कार्यालयस्थित मिडिया सेन्टरको हलमा पत्रकार सम्मेलन आयोजना गर्नेछ।

आयोगले निर्वाचन परिणामसहितको समग्र प्रतिवेदन बुझाएपछि नेपालको संविधान, २०७२ को धारा ७६ (१) अनुसारको सरकार गठनका लागि आह्वान गर्ने बाटो खुल्ने जनाइएको छ।राष्ट्रिय स्वतन्त्र पार्टी (रास्वपा)ले नयाँ सरकार गठनका लागि एकल रूपमा स्पष्ट बहुमत प्राप्त गरेको छ।दुई सय ७५ सदस्यीय प्रतिनिधिसभामा रास्वपाका कुल १८२ सांसद निर्वाचित भएका छन्।प्रतिनिधिसभा सदस्य निर्वाचनअन्तर्गत समानुपातिकतर्फ निर्वाचित ११० सांसदलाई बिहीबार नै प्रमाणपत्र प्रदान गर्ने तयारी पूरा भएको पनि उनेले बताए।

कान्तिपथस्थित बहादुर भवनमा रहेको केन्द्रीय कार्यालयमा आज समानुपातिकतर्फ निर्वाचित सांसदलाई प्रमाणपत्र दिने कार्यक्रम तय गरिएको आयोगले जनाएको छ।कानुनमा तोकिएको ‘क्लस्टर’ अनुसार समानुपातिकतर्फ निर्वाचित सांसदलाई बिहीबार प्रमाणपत्र वितरण गर्ने गरी तयारी पूरा भएको हो।समानुपातिक निर्वाचनतर्फ राष्ट्रिय स्वतन्त्र पार्टी (रास्वपा) बाट ५७ सांसद निर्वाचित भएका छन्।यसैगरी नेपाली कांग्रेसबाट २०, नेकपा एमालेबाट १६, नेपाली कम्युनिस्ट पार्टी (नेकपा) बाट नौ, श्रम संस्कृति पार्टी र राष्ट्रिय प्रजातन्त्र पार्टी (राप्रपा) बाट चार/चार जना सांसद निर्वाचित भएको आयोगले सोमबार नै घोषणा गरिसकेको छ।

पहिलो हुने निर्वाचित हुने निर्वाचन प्रणालीतर्फ रास्वपा १२५, कांग्रेस १८, एमाले नौ, नेकपा आठ, श्रम संस्कृति पार्टी तीन, राप्रपा र स्वतन्त्र एक/एक स्थानमा निर्वाचित भएका छन्।

पहिलो हुने निर्वाचित हुने निर्वाचन प्रणालीबाट १६५ र समानुपातिक निर्वाचन प्रणालीतर्फ ११० गरी प्रतिनिधिसभामा कुल २७५ जना सांसद निर्वाचित हुने संवैधानिक व्यवस्था छ।

प्रकाशित मिति / समय : वि.सं.२०८२ चैत ५ बिहीवार ०८:३४