एमालेले फिर्ता गर्यो भीआईपी स्वास्थ उपचारको साढे तीन करोड
सुनको मूल्य आज बिहीबार प्रतितोला २९०० ले घट्यो
वि.सं.२०८२ चैत १२ बिहीवार १३:३७
1.2K
shares
shares
नेपाली बजारमा आज (बिहीबार) सुन-चाँदीको भाउ घटेको छ।
बुधबार प्रतितोला १४ हजार ६ सय रूपैयाँ बढेको सुनको भाउ आज प्रतितोला दुई हजार नौ सय रूपैयाँ घटेको हो।नेपाल सुनचाँदी व्यवसायी महासंघका अनुसार आज सुन प्रतितोला दुई लाख ८५ हजार ६ सय रूपैयाँमा किनबेच भइरहेको छ।बुधबार सुन प्रतितोला दुई लाख ८८ हजार पाँच सय रूपैयाँमा कारोबार भएको थियो।
यस्तै, बिहीबार चाँदीको मूल्य पनि घटेको छ।बुधबार प्रतितोला चार हजार नौ सय २० रूपैयाँमा कारोबार भएको चाँदी बिहीबार प्रतितोला चार हजार आठ सय २० रूपैयाँमा कारोबार भइरहेको छ।यो मूल्य अघिल्लो दिनको तुलनामा प्रतितोला एक सय रूपैयाँ घटेको हो।
अन्तर्राष्ट्रिय बजारमा आज सुन प्रतिऔंस चार हजार पाँच सय १३ अमेरिकी डलरमा कारोबार भइरहेको छ।
