गृहमन्त्री सुधन गुरुङको आफूले विभिन्न सेयर बजारमा गरेको लगानीको स्रोत ऋणबाट जुटाएको स्पष्टीकरण
गत भाद्र २४ गतेको घटनाको अनुसन्धान गर्न छानबिन समिति बनाउने सरकारको निर्णय
वि.सं.२०८२ चैत १५ आइतवार ०८:५५
520
shares
shares
काठमाडौं । सरकारले गत भदौ २४ गतेको घटनाको छानबिनका लागि एक साताभित्र उच्चस्तरीय समिति बनाउने भएको छ ।
शुक्रबारको मन्त्रिपरिषद्को बैठकको निर्णय अनुसार आज सार्वजनिक गरिएको शासकीय सुधारका एक सय कार्यसूचीमा उक्त दिनको घटनाको सत्यतथ्य छानबिनका लागि समिति बनाउने निर्णय गरेको हो ।
उक्त समितिलाई घटनाको सम्पूर्ण विवरण सङ्कलन गर्ने, गहिरो विश्लेषण गर्ने र घटनाका लागि जिम्मेवार पक्षको पहिचान गर्ने जिम्मेवारी दिइने र सिफारिस अनुसार कारबाही थालिने उल्लेख छ ।
गौरीबहादुर कार्की आयोगको प्रतिवेदनका आधारमा दोषी व्यक्ति तथा पक्षहरूमाथि प्रचलित कानुनबमोजिम आवश्यक अनुसन्धान, कारबाही र अभियोजन प्रक्रिया तत्काल अघि बढाउने पनि कार्यसूचीमा उल्लेख छ ।
विभिन्न घटना र विषयमा बनेका आयोगका प्रतिवेदनहरू केवल अभिलेखमा सीमित हुने र कार्यान्वयन नहुने समस्या हटाउन ३० दिनभित्र त्यस्ता प्रतिवेदनका सिफारिसहरू कार्यान्वयन गर्न आवश्यक कानुनी, प्रशासनिक र अभियोजन प्रक्रिया सुरू गरिने कार्यसूचीमा उल्लेख छ ।
