प्रेस काउन्सिल नेपाल अध्यादेश विरूद्ध नेपाल पत्रकार महासंघ आज पुग्यो राष्ट्रपति कार्यालय
ईनम सापकोटा प्रकरण : अनुसन्धान सकिएपछि सबै बिषय सार्वजनिक गर्दछौ : काठमाडौंका एसएसपी घिमिरे
वि.सं.२०८३ कात्तिक २० शुक्रवार १५:०५
416
shares
shares
काठमाडौँ । काठमाडौँ प्रहरीको हिरासतमा रहेका ईनम सापकोटाको सम्पर्क सर्वोच्चका न्यायाधीश, प्रधानमन्त्रीको सचिवालय र प्रहरीका उच्च अधिकृतहरूसँग देखिएको छ ।
ईनमबारे अनुसन्धान जारी रहँदै उनले प्रहरी अधिकृतहरूसँग सोधपुछको क्रममा बोलेको अडियो समेतका सामग्री बाहिरिएका छन् ।
पूर्वप्रधानन्यायाधिश चोलेन्द्र शमशेर जबरासँग ‘कनेक्सन’ देखिएपछि पक्राउ परेका ईनमबारे अनुसन्धान भइरहेको काठमाडौँका एसएसपी दिलीप घिमिरेले बताए । शुक्रबार जिल्ला प्रहरी परिसर काठमाडौँमा आयोजित पत्रकार सम्मेलनमा एसएसपी घिमिरेले भने, ‘त्यस विषयमा प्रहरीले अनुसन्धान गरिरहेको छ ।’
अनुसन्धानबारे अहिले आफ्नो युनिटले कुनै धारणा सार्वजनिक नगरेको उल्लेख गर्दै घिमिरेले भने ‘अनुसन्धान सकिएपछि हामी देखिएका विषय सार्वजनिक गर्छौं ।’ अडियो कसरी र के आयो भन्ने विषय पनि अनुसन्धानकै पाटो भएको उनले बताए ।
