विष्णु पौडेललाई काठमाडौं ल्याइयो
चितवनका कांग्रेस बागीलाई मिलाउने जिम्मा गृहमन्त्री खाँणलाई
वि.सं.२०७९ वैशाख १४ बुधवार १४:४८
572
shares
shares
काठमाडौं । भरतपुरमा गठवन्धनका साझा उम्मेदवार विरुद्ध नेपाली कांग्रेसका पूर्वसंसदले बागी उम्मेदवारी दिएपछि केन्द्रमा टाउको दुखाइ भएको छ । माओवादी केन्द्रकी उम्मेवदार प्रचण्डपुत्री रेणु दाहाल विरुद्ध नेपाली कांग्रेस बाट जगन्नाथ खतिवडाले मनोनयन दर्ता गराएका छन् ।
आज बसेको गठवन्धनका शीर्ष नेताहरूको वैठकले देशभर बाट बागी उम्मेदवारी फिर्ता गराउने निर्णय लिएको थियो । यसैलाई कार्यान्वयन गराउने क्रममा नेपाली कांग्रेसका नेता तथा गृहमन्त्री बालकृष्ण खाण भरतपुर जान लागेका छन् । उनले त्यहाँ असन्तुष्ट कांग्रेस नेता-कार्यकर्तालाई भेटेर फकाउने प्रयास गर्ने छन् ।
आज तरुण दलको एक कार्यक्रममा खाणले पार्टी सभापति शेरबहादुर देउवाको निर्देशनमा भरतपुर जान लागेको बताए । ‘मेरो आज भैरहवा जाने योजना थियो । तर, पार्टी सभापतिले तिमी चितवन जाऊ, पार्टीका साथीहरू सँग सम्वाद र छलफल गर भन्नुभएको छ । त्यहाँ गठबन्धनलाई अगाडि बढाउने काम गर्नू भनेर निर्देशन दिनुभएको छ । त्यसैले म गठबन्धनलाई पनि अगाडि बढाएर पार्टीका साथीहरूलाई पनि समेट्ने उद्देश्यले चितवन जाँदैछु ।’ खाणले चितवनका समस्त कांग्रेस जनप्रति आफ्नो सम्मान रहेको बताए ।
