पाकिस्तान र इरानबीच क्षेत्रिय शान्ति र बलियो द्धिपक्षिय सम्बन्ध राख्ने प्रतिबद्धता
थारु र मधेसीलाई हेर्ने वित्तिकै गोली हान्ने प्रवृत्ति कहिले अन्त्य हुने हो ? : हृदयेश त्रिपाठी
वि.सं.२०७९ जेठ २६ बिहीवार १३:२५
533
shares
shares
काठमाडौं ।जनता प्रगतिशील पार्टीका अध्यक्ष समेत रहेका प्रतिनिधि सभा सदस्य हृदयेश त्रिपाठीले बर्दियामा बाघ बाट बचाउन माग गर्नेलाई गोली हानेर मारिएको भन्दै प्रहरी प्रशासनको आलोचना गरेका छन् ।
आजको प्रतिनिधि सभा बैठकको शून्य समयमा बोल्दै त्रिपाठीले थारु र मधेसी माथि प्रहरीले ज्यादती गरेको आरोप लगाए । उनले भने, ‘बर्दियामा बाघ बाट बचाउन आग्रह गर्दा पुलिस रुपी राक्षस बाट बर्दियामा मृत्यु भयो । थारु र मधेसीलाई हेर्ने वित्तिकै गोली हान्ने प्रवृत्ति कहिले अन्त्य हुने हो ?’ उनले लाल आयोगको प्रतिवेदनमा यथार्थमा पुलिसले गरेको ज्यादतीको सरकारले त्यसलाई सार्वजनिक नगरेको जिकीर समेत गरे ।
भ्रष्टाचारको काममा घुमुवा प्रहरीले विचौलिया र दलालको काम गरेको भन्दै उनले घुमुवा भनेर गाउँगाउँमा पठाउने काम बन्द गर्न नेपाली प्रहरीको नेतृत्वलाई सुझाव दिए । उनले आईटी क्षेत्रमा हुने घोटालाको एउटा उदाहरण इम्बोस्ड नम्बर प्लेट भएको र हज कमिटीको नाममा पार्टीका केही कार्यकर्ता पालिने गरेको भन्दै आलोचना समेत गरे ।
