भेनेजुएला भूकम्प : हाल सम्म ९०० को निधन, ३३ सय भन्दा बढी घाईते, खोजविन जारी
अमेरिकामा पछिल्लो ४० वर्ष यताकै उच्च महँगी
वि.सं.२०७९ जेठ २८ शनिवार १४:५२
572
shares
shares
काठमाडौं । अमेरिकामा पछिल्लो ४० वर्ष यताकै उच्च महँगी बढेको छ । अमेरिकाले खाद्यान्न र ऊर्जामा पछिल्लो ४० वर्षयताकै महँगीको सामना गर्नुपरेको हो । बेलायती समाचार संस्था बीबीसीका अनुसार सन् १९८१ यताकै उच्च महँगीको मारमा अमेरिका परेको छ ।
अमेरिकाको श्रमिक विभागका अनुसार यो वर्ष महँगी दर ८.६ प्रतिशतका दरले बढेको छ । जुन, अघिल्लो महिनाको प्रक्षेपण भन्दा बढी हो । महँगी बढे सँगै अमेरिकाका मध्यम र निम्न वर्गीय सर्वसाधारण समस्यामा परेका छन् । यस्तै, नीति निर्माता समेत महँगी बाट प्रभावित बनिरहेका छन् ।
सन् २०२१ मेको तुलनामा अमेरिकामा खाद्यान्नको मूल्य १० प्रतिशतले बढेको छ । यस्तै, ऊर्जाको मूल्य ३४ प्रतिशत सम्म उकालो लागेको बताइएको छ । अहिले अमेरिकामा खाद्यान्न र ऊर्जाको भाउ मात्रै बढेको छैन । बरु, एयरलाइन्सको टिकटको मूल्य, औषधी र लत्ताकपडाको मूल्य समेत आकासिएको छ ।
अमेरिकामा सन् १९८१ यता अहिलेको तुलनामा महँगी बढेको थिएन । बैंक रेटका प्रमुख जर्ज एमसीब्राइड महँगी अपेक्षा भन्दा माथि पुगेको र यो सकारात्मक बाटोमा नरहेको बताउँछन् । यस्तै, महँगी ८.६ प्रतिशत पुगेर रोकिने छाँटमा छैन ।एजेन्सी
