सुन तोलामा ४ हजार ७ सय रुपैयाँ बढ्यो
गौर नगरपालिकाका पूर्वमेयर एवम् लोसपाका नेता अजय कुमार गुप्ता एमालेमा प्रवेश गर्ने
वि.सं.२०७९ असार ९ बिहीवार १३:५९
624
shares
shares
काठमाडौं ।रौतहटको गौर नगरपालिकाका पूर्वमेयर एवम् लोकतान्त्रिक समाजवादी पार्टी (लोसपा)का नेता अजय कुमार गुप्ता नेकपा एमालेमा प्रवेश गर्ने भएका छन् । एमाले अध्यक्ष केपी शर्मा ओली सँगको भेटपछि गुप्ता पार्टी प्रवेश गर्न तयार भएका हुन् ।
ओली सँगको भेटपछि पार्टी प्रवेशका लागि २३ गतेको दिन तय भएको स्रोतले बतायो । उनलाई प्रतिनिधि सभा निर्वाचनमा रौतहट क्षेत्र नम्बर १ बाट टिकट दिने सहमति भएको बताइएको छ ।
गुप्ता स्थानीय तह निर्वाचनमा पनि गौर नगरपालिकाको मेयर उम्मेदवार थिए । उनी एकीकृत समाजवादीका शम्भु साह सँग पराजित भए । साह ६ हजार ३८१ मत सहित मेयरमा निर्वाचित हुँदा गुप्ताले ३ हजार ७५५ मत पाएका थिए ।
