नारायणीमा पानीको सतह अहिले सम्मकै उच्च, दर्जनौ बस्ती डुवानमा
सर्वोच्चले बुढीगंगामा पुन: मतदान रोक्न अन्तरिम आदेश दिएन
वि.सं.२०७९ असार १४ मंगलवार १८:२६
949
shares
shares
काठमाडौं ।२३ असारमा पुन: मतदान तोकिएको बाजुराको बुढीगंगा नगरपालिकामा ३० वैशाखमै भएको मतदानको मतगणना गर्न सर्वोच्च अदालतले अस्वीकार गरेको छ ।
सर्वोच्च अदालतले बाजुराको बुढीगंगा नगरपालिकामा ३० वैशाखमै भएको मतदानको मतगणना गर्ने आदेश दिन अस्वीकार गरेको छ । निर्वाचन आयोगले बुढीगंगामा ३० वैशाखको मतदान रद्द गरी २३ असारमा पुन: मतदानको निर्णय गरिसकेको छ । तर बुढीगंगाका मतदाता दलबहादुर सावदले यसअघि मतदान भएको मतपेटिका बाट मतगणना गर्न माग गर्दै सर्वोच्च अदालतमा रिट दिएका थिए ।
मंगलबार कामु प्रधानन्यायाधीश दीपककुमार कार्की र न्यायाधीश सुष्मालता माथेमाको संयुक्त इजलासले यसअघिकै मतदानको मतगणना गर्ने गरी अन्तरिम आदेश दिन अस्वीकार गरेको हो । सर्वोच्चको यो निर्णय सँगै निर्वाचन आयोगलाई २३ असारमा बुढीगंगामा पुन: मतदान गर्न बाटो खुलेको छ ।
३० वैशाखमा भएको निर्वाचनमा केही मतदान केन्द्रमा बुथ कब्जा भएको पुष्टि भएको भन्दै आयोगले ३० वैशाखमा भएको मतदान रद्द गरी पुन: मतदानको नयाँ मिति तोकेको थियो । बुथ कब्जा भएको भन्दै नेपाली कांग्रेस लगायत सत्तारुढ गठबन्धनका दलले पुन: मतदान मागेका थिए भने नेकपा एमालेले मतगणना माग गरेको थियो ।
