पत्रकार किशोर श्रेष्ठलाई पक्राउ नगर्न उच्च अदालत पाटनको आदेश
आठ दलको निर्देशन सबै सांसदलाई भोली ११ बजे सम्ममा काठमाडौं आउनु, खाने बस्ने ब्यबस्था आठ दलले नै मिलाउने
वि.सं.२०७९ फागुन २३ मंगलवार १७:०१
1.29K
shares
shares
काठमाडौं । आठ दलीय गठबन्धनले आफ्ना सबै सांसदहरुलाई बुधबार मध्याह्नसम्ममा काठमाडौं आइपुग्न निर्देशन दिएको छ । राष्ट्रपति निर्वाचनमा मतदानका लागि प्रदेश र प्रतिनिधिसभाका सांसदहरुलाई काठमाडौं बोलाइएको हो । उनीहरुका लागि खान र बस्नका लागि सबै व्यवस्था आठ दलीय गठबन्धनले नै गर्नेछ । मंगलबार आज नेपाली कांग्रेस संसदीय दलको कार्यालय सिंहदरवारमा बसेको आठ दलका सम्मिलित नेताहरुको बैठकले भोलि बुधबार बिहान १२ बजेसम्म सांसदहरुलाई काठमाडौँ आइसक्न निर्देशन दिएको हो । बैठकले राष्ट्रपति निर्वाचनका लागि सांसदहरुलाई बुधबार बिहान ११ बजेसम्म काठमाडौँ आइपुग्न निर्देशन दिएको एक नेताले जानकारी दिए ।
बैठकले प्रतिनिधिसभा, राष्ट्रियसभा र प्रदेशसभाका सांसदहरुलाई भोलिसम्म काठमाडौँ आइपुग्न सर्कुलर गर्ने निर्णय गरेको हो । बैठकले शतप्रतिशत भोट खस्ने गरी ८ दलले पहल गर्ने पनि निर्णय गरेको छ । राष्ट्रपतिको निर्वाचन यही फागुन २५ गते हुँदैछ । राष्ट्रपति निर्वाचनका लागि निर्वाचन आयोगले मंगलबार देखि निर्वाचन आचारसंहिता समेत लागु गरेको छ । आठ दलीय गठबन्धनमा आबद्ध दलका नेताको बैठकले राष्ट्रपति निर्वाचनका लागि काठमाडौं आउने प्रदेशसभा सदस्यहरूलाई खाने र बस्ने व्यवस्था गर्ने निर्णय गरेको छ । बैठकपछि खानेपानीमन्त्री एवं जनमत पार्टीका उपाध्यक्ष अब्दुल खानले शतप्रतिशत मत खसाउन आ–आफ्नो पार्टीको जिम्मेवारी लिने निर्णय समेत भएको जानकारी दिए ।
गठबन्धन कार्यदलका संयोजक एवम् कांग्रेस उपसभापति पूर्णबहादुर खड्काले राष्ट्रपति निर्वाचनका लागि मतदाताहरुलाई बुधबार सम्म काठमाडौं आइपुग्न निर्देशन दिइएको र निर्वाचन सँग जोडिएका प्राविधिक पाटोलाई व्यवस्थित गर्नेबारे छलफल भएको बताए ।
