कपिलवस्तु नगरपालिकाका पूर्वमेयर तथा कांग्रेसका नेता सिंह सामुदायिक जंगलमा मृत भेटिए
जो प्रधानमन्त्री भएपनि नेपालको सत्ता अरूले नै चलाई रहेको छ : कृष्ण बहादुर महरा
वि.सं.२०७९ चैत १८ शनिवार २०:२६
741
shares
shares
नवलपरासी । सत्तारुढ दल नेकपा माओवादी केन्द्रका उपाध्यक्ष कृष्णबहादुर महराले नेपालको सत्ता ‘अरु कसैले’ सञ्चालन गरिरहेको दाबी गरेका छन् । पूर्वसभामुख समेत रहेका महराले शनिबार प्रेस सेन्टर पूर्वी नवलपरासीको तेस्रो साधारणसभालाई सम्बोधन गर्दै यस्तो दावी गरेका हुन् ।
कार्यक्रमलाई सम्बोधन गर्दै गृहमन्त्री समेत भइसकेका महराले भने, ‘देश अरु कसैले चलाइरहेको छ । प्रचण्ड, ओली र देउवा त पात्र हुन् ।’ तर, उनले त्यो सत्ता चलाउने शक्ति बारे भने खुलाएनन् । उनले भने, ‘हुन त हाम्रै अध्यक्षको नेतृत्वमा सरकार छ, तर पनि हाम्रो बिडम्वना यही हो, जो प्रधानमन्त्री भएपनि हुने यही हो । नेपालको सत्ता अरुले चलाइरहेको हुन्छ ।’
वर्तमान सरकारले शान्ति प्रक्रियाका महत्वपूर्ण मुद्दा टुंगोमा पु¥याउनुपर्नेमा उनले जोड दिए । महराले लोकतन्त्र र संविधान माथि अझै खतरा कायम रहेको बताउँदै भने, ‘प्रतिगामीहरुले अझै टाउको उठाउन खोज्दैछन्, यसलाई निस्तेज गर्नुपर्छ ।’
