यौन दुर्व्यवहार गरेको आरोप लागेका अमेरिकी पूर्व राष्ट्रपति डोनाल्ड ट्रम्पलाई न्यूयोर्कको एउटा अदालतले क्षतिपूर्ति वापत आठ करोड ३३ लाख अमेरिकी डलर तिर्न आदेश दिएको छ ।
ट्रम्पले लेखक इ जिन क्यारोललाई क्षतिपूर्ति वापत तिर्नुपर्ने छ । क्यारोलले मानहानी उल्लेख गर्दै क्षतिपूर्तिका लागि एक करोड डलर भन्दा बढी माग गरेकी थिइन् । अदालतको आदेशलाई पूर्वराष्ट्रपतिले ‘हास्यास्पद’ भनेका छन् ।
प्राप्त समाचारमा ट्रम्पले क्यारोलको बारेमा सार्वजनिक टिप्पणीमा दुर्भावनापूर्ण कार्य गरेकाले क्षतिपूर्ति स्वरूप ७३ लाख डलर र प्रतिष्ठा माथि भएको क्षतिका लागि एक करोड १० लाख ठलर र दण्डात्मक क्षतिपूर्तिको निम्ति छ करोड ५० लाख डलर जरिवाना तोकेको हो ।