गत भाद्र २३ गते जेनजीहरुले गरेको विरोध प्रदर्शन र भाद्र २४ गते भएको विध्वसात्मक कार्यलाई लिएर नेपाली राजनीतिक क्षेत्रमा एकमत हुन सकेको अवस्था देखिँदैन । जेनजीहरुले गरेको विरोध प्रदर्शनलाई आफ्नो स्वार्थ पूरा गर्ने उदेश्यले केही राजनीतिक दल र केही व्यक्तिहरुले जेनजीहरुको विरोध प्रदर्शनलाई आफ्नो कब्जामा लिएका थिए । त्यही जेनजीहरुको विरोध प्रदर्शनपछि गत फागुन २१ गते सम्पन्न भएको संघीय संसदको निर्वाचनमा राष्ट्रिय स्वतन्त्र पार्टीले झण्डै दुई तिहाई मत पाएको छ । रास्वपाले झण्डै दुई तिहाई मत पाउनुको पछाडि जेनजीहरुको विरोध प्रदर्शनलाई रास्वपाले राम्रोसँग प्रयोग गर्नु र जेनजीहरुको विरोध प्रदर्शनमा र भाद्र २४ गते भएको विध्वसात्मक कार्यमा संलग्न रहेका प्रायः सबै व्यक्तिहरुलाई रास्वपामा प्रवेश गराउनुले गर्दा नै रास्वपाले झण्डै दुई तिहाई मत पाएको थियो ।
पुराना भनिएका राजनीतिक दलहरु नेपाली कांग्रेस, नेकपा एमाले र माओवादी केन्द्र समेत पटक पटक सत्ताको नेतृत्व पुगेपनि जनताको चाहना र भावनानुसार चल्न सकेका थिएनन् । उनीहरुमा एक प्रकारको दम्भ थियो । हामीहरुबाहेक अरुले मुलुक सञ्चालन गर्न सक्ने अवस्था छैन भनेर । उनीहरुले आलोपालो सत्ता सञ्चालन गरिरहेका थिए । मुलुकभित्र चरम संकट थियो । गुटगत राजनीति र सत्ता हत्याउने खेलले गर्दा सरकारी संयन्त्रहरु समेत प्रयोग हुँदै आएका थिए त्यस विषयलाई जनताले मन पराएका थिएनन् । पुरानाले केही गरेनन् भनेर भाष्य बनाउन केही संघ संस्था, केही व्यक्तिहरु पहिला देखि नै सक्रिय रहेका थिए । उनीहरुले त्यही भाष्यलाई सत्तामा पुग्ने माध्यमको रुपमा प्रयोग गरे आखिरी उनीहरु सफल भए । भाद्र २३ र २४ गते भएको जेनजीहरुको विरोध प्रदर्शनको सफलता भनेको त्यही हो त्यसै कारणले गर्दा अहिले रास्वपा नेतृत्वको बालेन सरकार रहेको छ ।
परिवर्तनका नाममा सबैलाई अस्वीकार गर्ने विषय राजनीतिक रुपमा अति आकर्षक देखिएको छ । तर शासनन व्यवस्था सञ्चालनका दृष्टिकोणले त्यो अत्यन्तै जोखिमपूर्ण रहेको छ र हुन्छ । वास्तविक परिवर्तन भनेको विगतको सफल अभ्यासलाई संरक्षण गर्दै कमी कजमोरीलाई सहासपूर्वक सुधार गर्दै विद्यमान संस्था र नागरिकको विश्वास बढाउने नयाँ संस्कृतिको विकास गर्नु हो । गलत भाष्य प्रयोग गरेर पुराना दल र तिनका नेताहरुलाई गाली गर्दै अघि बढेको खण्डमा तिनै पुराना दलको संस्कृत्तिलाई स्वीकार गर्नु हो । पुरानाले केही गरेनन् हामी देश बनाउँछौँ भनेर जनतासामू गएका दल र तिनका नेताहरुले पुरानै नियत देखाउनु र एकोहोरा रुपमा पुरानाले केही गरेनन् भने भाष्य मात्र बनाउन लाग्नु भनेको परिवर्तनका नाममा आफ्नो स्वार्थ पूरा गर्न खोज्नु बाहेक अन्य केही हुन सक्दैन ।
हिजोका पुराना दलहरुले मुलुकलाई अप्ठ्यारो अवस्थाबाट जोगाएर यहाँसम्म ल्याई पु¥याएका हुन् । २०७२ सालको भुइचालोका अवस्था सम्झनुहोस् त कसो अवस्था थियो । तर तिनै पुराना दलका नेताहरुले नै विगतको अप्ठ्यारो अवस्थाबाट मुलुकलाई बाहिर निकालेर अहिलेको अवस्थामा ल्याईपु¥याएका हुन् भन्ने हेक्का सत्ताधारी दल रास्वपा र सरकारलाई हास्े । राजनीतिक दलहरुको मूल्यांकन जनताले आफूलाई परेको अप्ठ्याो अवस्थामा गर्ने हुन् । विगतको अप्ठ्यारो अवस्थाबाट अहिलेसम्मको अवस्थाा मुलुकलाई ल्याई पु¥याउने श्रेय तिनै पुराना दल र तिनका नेताहरुलाई जान्छ ।
जेनजी विरोधको माग नयाँ सरकारमात्र थिएन भने तत्कालिन ओली सरकारको परिवर्तनको मात्रै थिएन । भाद्र २३ गतेको जेनजीहरुको विरोध प्रदर्शनलाई हाइज्याक गर्नेहरुले नै भाद्र २४ गतेको घटना घटाएको विभिन्न छानविन प्रतिवेदनहरुले देखाएको छ । तर त्यस विषयमा झण्डै दुई तिहाई मत पाएर गठन भएको बालेन सरकार अहिले मौन रहेको छ । जनताले अहिले पनि भाद्र २३ र २४ गते भएको विध्वसात्मक घटनाको सत्यतथ्य बहिर आउनुपर्दछ भनिरहेका छन् तर सत्ताधारी दल रास्वपा र बालेन सरकार एकोहोरा पुराना दल र तिनका नेताहरुलाई कसरी जनताको नजरबाट गिराएर आफ्नो सत्तालाई सहजता ल्याउने भन्नेमै सिमित रहेको छ । विगतमा भएका राम्रा काम र विगतमा भएका विभिन्न प्रकारका आयोग, समिति र संस्थाहरुलाई गिजोलेर र सम्वैधानिक निकायका पदाधिकारी र कर्मचारीहरुलाई बदलाको भावना र यी पूराना दलले निर्माण गरेका संरचना हुन् भन्दै उनीहरुको मानर्मदन गर्ने प्रयास हुनु मुलुककै लागि दुर्भाग्य सावित हुन सक्छ । त्यसै कारणले गर्दा पूराना दल र तिनका नेताहरु नै गलत थिए भन्ने भाष्य तत्काल सुधार हुनु आवश्यक छ ।
आजको आवश्यकता भनेको सबै कुरा भत्काएर नयाँ सुरुवात गर्ने भने होइन पुराना प्रणालीका सकारात्मक पक्षलाई संरक्षण गर्दै कमी कमजोरीलाई सुधार गर्दे नागरिकलाई विश्वासमा लिएर शासन प्रणाली निर्माण गर्नु हो । तर सुधारको नाममा पूरानालाई गलत मात्र भनिने भाष्यले कसैको भुलो हुन सक्दैन त्यसैले बालेन सरकार र रास्वपाले उक्त भाष्यलाई तत्काल सुधार गर्नुपर्ने हामीले ठानेका छौँ ।