काँग्रेसले टुङ्ग्यायो प्रमुख सचेतक र सचेतक
गभर्नर सिफारिस समितिमा पूर्व गभर्नर अधिकारी नियुत्त
वि.सं.२०८२ वैशाख १८ बिहीवार ०८:४०
585
shares
shares
काठमाडौं । नयाँ गभर्नर नियुक्तिका लागि गठित सिफारिस समितिका सदस्यमा तत्कालिन गभर्नर ममहाप्रसाद अधिकारीको इन्ट्री भएको छ । समितिका सदस्य डा. विजयनाथ भट्टराईले राजीनामा दिएपछि अधिकारीलाइ सिफारिस समितिमा राखिएको हो ।
भट्टराईले १ महिनासम्म पनि बैठक बस्न नसकेको भन्दै राजीनामा बुझाएका थिए । उनले राजीनामा दिएपछि नयाँ गभर्नर नियुक्तिका लागि बनेको समिति के हुने भन्ने चर्चा थियो । तर, अर्थमन्त्री बिष्णुप्रसाद पौडेलले भने १ जन सदस्य थप गरेर समितिले काम अघि बढाउने बताउदै आएका थिए । आज अधिकारी सदस्यका रुपमा थप भएका हुन ।बुधबार बसेको मन्त्रीपरिषद् बैठकले अधिकारीलाई सिफारिस समितिमा राख्ने निर्णय गरेको हो । एक मन्त्रीले अधिकारीलाई सदस्य नियुक्ति गरेको बताए । उनलाई पुर्व गभर्नरको तर्फबाट राखिएको हो ।
नयाँ गभर्नर नियुक्ति सिफारिसका लागि सरकारले चैत ११ गते सरकारले उपप्रधान तथा अर्थमन्त्री विष्णु पौडेलको संयोजकत्वमा ३ सदस्यीय सिफारिस समिति बनाएको थियो । जसको सदस्यमा विश्व पौडेल पनि रहेका छन् ।गएको चैत २४ गते गभर्नर महाप्रसाद अधिकारीको कार्यकाल सकिएको हो । त्यसयता गभर्नर पद रिक्त छ । डेपुटी गभर्नर निलम ढुंगानाले कामुको रुपमा जिम्मेवारी सम्हाली रहेकी छन् ।गभर्नर सिफारिस समितिले ३ जनाको नाम मन्त्रिपरिषद्मा लैजान्छ । मन्त्रिपरिषद्ले एक जना गभर्नर नियुक्ति गर्ने व्यवस्था छ । मन्त्रिपरिषद्ले नेपाल राष्ट्र बैंक ऐन, २०५८ को दफा १५ को उपदफा (२) बमोजिम गठन भएको समितिको सिफारिसको आधारमा गभर्नरको नियुक्ति गर्ने प्रावधान छ ।
छनोट समितिले गभर्नर नियुक्तिको सिफारिस गर्दा आर्थिक, मौद्रिक, बैंकिङ, वित्तीय, वाणिज्य, व्यवस्थापन तथा वाणिज्य कानून क्षेत्रका लब्धप्रतिष्ठित व्यक्तिहरू तथा डेपुटी गभर्नरहरूमध्येबाट तीन जनाको नाम मन्त्रिपरिषद्मा सिफारिस गर्छ । मन्त्रिपरिषद्ले उपदफा (३) बमोजिम सिफारिस भएका नाममध्येबाट एक जनालाई गभर्नर पदमा नियुक्त गर्छ ।
