चक्रपथ विस्तारको दोस्रो चरण अन्तर्गत चीनको सहायता सम्बन्धी सम्झौता
गुप्तचर प्रमुख थापा भोली देखी अनिवार्य अवकाशमा जाँदै, नयाँ नियुति अन्योल
वि.सं.२०८२ भदौ २७ शुक्रवार १९:२२
650
shares
shares
काठमाडौँ । राष्ट्रिय अनुसन्धान विभागका प्रमुख (मुख्य अनुसन्धान निर्देशक) हुतराज थापा भोलिदेखि अवकाशमा जाँदै छन् । गुप्तचर प्रमुखको ३ वर्षे पदावधि पुरा गरेर उनी भदौ २८ बाट अनिवार्य अवकाशमा जान लागेका हुन् । थापा २०७९ भदौ २८ मा गुप्तचर प्रमुखमा नियुक्त भएका थिए ।
२०५३ मा अनुसन्धान अधिकृत बाट सेवा प्रवेश गरेका थापाकै ब्याचमेटहरु नयाँ गुप्तचर प्रमुख हुने लाइनमा छन् । तर, जेनजी प्रदर्शनको कारण सत्ता परिवर्तन भएसँगै गुप्तचर प्रमुखको नियुक्ति अन्योलमा परेको छ । पूर्व प्रधानन्यायाधीश सुशीला कार्कीलाई अन्तरिम सरकारको प्रधानमन्त्री बनाउनेबारे सहमति नजिक पुगेको भनिए पनि निर्णय भैसकेको छैन । गुप्तचर प्रमुखको नियुक्ति मन्त्रिपरिषद्ले गर्ने कानुनी व्यवस्था छ ।
थापा आफ्ना ब्याचमेट ओम प्रकाश जोशीलाई पछाडि पारेर विभागको प्रमुख बनेका थिए । तिनै जोशी ३ वर्षपछि प्रमुख हुने प्रतिस्पर्धामा छन् । मुख्य अनुसन्धान निर्देशक जोशी अहिले प्रशासन विभागको प्रमुख छन् । उनी थापाको अवकाशपछि मुख्य अनुसन्धान निर्देशक हुने दौडमा लागेका छन् ।अर्का अतिरिक्त मुख्य अनुसन्धान निर्देशक टेकेन्द्र कार्की पनि राअवि प्रमुखको दाबेदार हुन् । उनीहरू दुवै जना हुतराज थापासँगै राष्ट्रिय अनुसन्धान विभागमा प्रवेश गरेका थिए । कार्कीले अहिले प्रदेश समन्वय विभाग र इन्टेलिजेन्सको नेतृत्व गरिरहेका छन् ।
मुलुकभर राष्ट्रिय अनुसन्धान विभागको संरचना छ । सिंहदरबार परिसरमा विभागको मुख्यालय छ । विभागका २ हजार २६५ जना कर्मचारी र एजेन्टहरूलाई सूचना सङ्कलन गर्ने जिम्मेवारी दिइएको हुन्छ ।
