Abhiyan Weekly

सरकारी लगानी भएका सबै बैंकका अध्यक्षले पदबाट राजीनामा दिए सर्वोच्चका न्यायाधीश शर्मा प्रधानन्यायाधीशमा सिफारिस प्रधान न्यायाधीश सिफारिससम्बन्धी निर्णयका लागि संवैधानिक परिषद्को बैठक जारी कीर्तिपुरमा दिउँसै युवकको हत्या आरोपमा तीन पक्राउ सरकारले सूचना जारी गरेपछि नेकपा एमालेले नयाँ कार्यालय खोज्न थाल्यो भारतले लिपुलेकबारे आफ्नो अडान दोहोर्‍यायो स्वास्थ्य विज्ञान प्रतिष्ठान र केही अस्पतालमा निमित्त जिम्मेवारी तोकियो रातो मत्स्येन्द्रनाथको रथ आगामी असार ३ गते जावलाखेल लगिने कांग्रेस नेता तथा पूर्वमन्त्री कार्की विरुद्ध भ्रष्टाचार मुद्दा दर्ता ३४ बर्ष पछि स्वास्थ क्षेत्रमा ९७७ नयाँ दरबन्दी थपिदै सुनको भाउ प्रतितोला २ लाख ९८ हजार ६ सय रुपैयाँ अध्यादेशले शासन चलाउने भए संसदको आवश्यकता किन ?

काठमाडौं महानगरपालिकामा ५६ हजार ६७३ जना स्वास्थ्य बीमा कार्यक्रममा आबद्ध

Abhiyan Weekly

वि.सं.२०८२ कात्तिक १२ बुधवार १८:२६

832
shares

काठमाडौं । काठमाडौं महानगरपालिकामा ५६ हजार ६७३ जना स्वास्थ्य बीमा कार्यक्रममा आबद्ध भएका छन् ।

महानगरका मेयर बालेन साहले बुधबार सामाजिक सञ्जाल फेसबुक मार्फत यस्तो जानकारी गराएका हुन् ।उनका अनुसार स्वास्थ्य बीमा कार्यक्रममा आवद्ध भएकामध्ये १३ हजार ५७५ जना ज्येष्ठ नागरिक, १ हजार ८५ जना अपाङ्गता भएका व्यक्ति र २ जना एचआईभी संक्रमित व्यक्ति रहेका छन् ।

आर्थिक वर्ष २०८१/८२ मा महानगरबाट १ लाख ९४ हजार १९३ जनालाई स्वास्थ्य सेवा प्रदान गरिएको र तीमध्ये ८४ हजार ७०४ जनाले बहिरङ सेवा लिएको उनले बताएका छन् ।यस वर्ष ३० वटा स्वास्थ्य संस्था दर्ता र नवीकरण भएको र १२० वटा स्वास्थ्य संस्थाको अनुगमन गरिएको महानगरले जनाएको छ ।

महानगरका अनुसार १ हजार ८७ जना विपन्न नागरिकलाई उपचारका लागि सिफारिस गरिएको छ । बेवारिसे, विपन्न र बेसहाराको निःशुल्क उपचार अन्तर्गत २१० जनालाई निःशुल्क उपचार सेवा प्रदान गरिएको महानगरले जनाएको छ ।

प्रकाशित मिति / समय : वि.सं.२०८२ कात्तिक १२ बुधवार १८:२६