सरकारी लगानी भएका सबै बैंकका अध्यक्षले पदबाट राजीनामा दिए
प्रहरी महानिरीक्षक खापुङलाई जाँचबुझ आयोगले सोध्यो स्पष्टीकरण
वि.सं.२०८२ कात्तिक २० बिहीवार ०८:४९
936
shares
shares
काठमाडौं । जेनजी आन्दोलनका क्रममा २३ भदौमा भएको दमन र भोलिपल्टको आगजनीबारे जाँचबुझ गर्न गठन भएको आयोगले प्रहरी महानिरीक्षक चन्द्रकुवेर खापुङसँग स्पष्टीकरण सोधेको छ ।
आयोगले बुधबार आईजीपी खापुङलाई किन कारबाही नगर्ने भनी स्पष्टीकरण सोधेको छ ।मागको विवरण उपलब्ध नगराएको आरोपमा आयोगले ‘तपाईंलाई किन कारवाहीको सिफारिस नगर्ने ?’ भनी स्पष्टीकरण सोधेको हो ।प्रहरी महानिरीक्षक खापुङको कार्यकाल आगामी साता सकिँदैछ ।
जाँचबुझ आयोगले तीन सातादेखि भदौ २३ र २४ गते कार्यक्षेत्रमा खटिएका प्रहरीहरूको विवरण मगाएको थियो ।जवाफमा प्रहरी मुख्यालयले त्यो दिन आईजीपीदेखि प्रहरी जवान फिल्डमै रहेको जवाफ दिएको थियो ।
