बाणिज्य बैङ्कहरूको नाफामा उल्लेख्य सुधार, १९.३० प्रतिशतले बृद्धि
बंगलादेशकी तत्कालीन प्रधानमन्त्री शेख हसिनाले मानवता विरुद्धको अपराध गरेको ठहर
वि.सं.२०८२ मंसिर १ सोमवार १४:०४
1.7K
shares
shares
ढाका । बंगलादेशकी तत्कालीन प्रधानमन्त्री शेख हसिनाले मानवताविरुद्धको अपराध गरेको ठहर स्थानीय अदालतले गरेको छ ।
गत वर्ष आरक्षणको विरोधमा विद्यार्थीहरूले गरेको प्रदर्शन दबाउन तत्कालीन प्रधानमन्त्री हसिनाले राज्यका निकायलाई निर्देशन दिएको ठहर समेत अदालतले गरेको छ ।अन्तर्राष्ट्रिय अपराध न्यायाधीकरण (आईसीटी)मा हसिना विरुद्धको मुद्दाको फैसला सुनाइँदैछ । न्यायाधीश गुलाम मुर्तजाको नेतृत्वमा रहेको इजलासमा न्यायाधीशहरू मोहम्मद शफीउल आलम महमुद र मोहम्मद मोहितुल हक एनाम चौधरी सदस्य छन् ।
तीन सदस्यीय इजलासले तत्कालीन प्रधानमन्त्री हसिनालाई मानवता विरुद्धको अपराधमा दोषी ठहर गरेको छ । हसिनाले प्रदर्शनकारी माथि हेलिकोप्टरबाट बम खसाल्न आदेश दिएको समेत इजलासले ठहर गरेको छ । इजलासमा हसिना विरुद्धको मुद्दाको फैसला सुनाउने क्रम जारी छ । उनी विरुद्धको सजाय भने निर्धारण हुन बाँकी छ । फैसलाको अन्तिममा न्यायाधीशले सजाय निर्धारणको विवरण सुनाउने अपेक्षा गरिएको छ ।
