भेनेजुएला भूकम्प : हाल सम्म ९०० को निधन, ३३ सय भन्दा बढी घाईते, खोजविन जारी
गृह मन्त्रालयले नेपाल प्रहरीमा दरबन्दी हेरफेर गर्नेगरी सङ्गठन तथा व्यवस्थापन सर्वेक्षण प्रस्ताव गर्यो
वि.सं.२०८२ पुस ४ शुक्रवार १२:५८
2.28K
shares
shares
काठमाडौँ । गृह मन्त्रालयले नेपाल प्रहरीमा दरबन्दी हेरफेर गर्नेगरी सङ्गठन तथा व्यवस्थापन सर्वेक्षण (ओएण्डएम) प्रस्ताव गरेको छ । गृह मन्त्रालयको प्रशासन महाशाखाका सहसचिव कालीप्रसाद पराजुलीको संयोजकत्वमा बनेको समितिले ओएण्डएम प्रस्ताव सहमतिको लागि अर्थ मन्त्रालयमा पठाएको हो ।
मङ्सिर ८ मा बसेको मन्त्रिपरिषद्ले प्रहरीको सङ्गठन तथा व्यवस्थापन सर्वेक्षण गर्न पूर्व स्वीकृति प्रदान गर्ने निर्णय गरेको थियो । अर्थ मन्त्रालयले सहमति दिएपछि निर्णयका लागि मन्त्रिपरिषद्मा पेस गरिने गृह मन्त्रालयका एक जना उच्च अधिकृतले बताए । ओएण्डएम प्रस्ताव अहिले अर्थ मन्त्रालयको बजेट महाशाखामा छलफलमा छ ।सहसचिव रिजाल नेतृत्वको समितिमा प्रहरी प्रधान कार्यालयका डीआईजी दिपक रेग्मी, अर्थ मन्त्रालय र सङ्घीय मामिला तथा सामान्य प्रशासन मन्त्रालयका प्रतिनिधि सदस्य थिए । सो समितिले प्रहरीको केनाइन कार्यालय र सवारी महाशाखाको प्रहरी वरिष्ठ उपरीक्षक (एसएसपी) को दरबन्दी जनपद समूहतर्फ स्थानान्तरण गर्न प्रस्ताव गरेको छ ।
नेपाल प्रहरी अस्पतालमा अन्य तहको दरबन्दी कटौती गरेर डीएसपी र एसपीको दरबन्दी बढाउन प्रस्ताव गरेको छ । अख्तियार दुरुपयोग अनुसन्धान आयोगमा कार्यरत प्रहरीको फरेन्सिक विज्ञलाई प्रहरी प्रधान कार्यालयमा नै फिर्ता ल्याउने प्रस्ताव गरेको छ ।सम्पत्ति शुद्धीकरण अनुसन्धान विभागमा कार्यरत प्रहरी कर्मचारीलाई पनि त्यहाँबाट स्थानान्तरण गरिँदैछ । पुल्चोकस्थित विभागमा प्रहरीको उपरीक्षक (एसपी) नेतृत्वमा प्रहरी कार्यरत थिए । विभागको सहमतिमा उनीहरूलाई केन्द्रीय अनुसन्धान ब्युरोस्थित महाशाखामा स्थानान्तरण गर्न ओएण्डएम समितिले प्रस्ताव गरेको छ ।
फाइनान्सियल एक्सन टास्क फोर्स (एफएटीएफ) ले नेपाललाई जोखिमपूर्ण सूची (ग्रे) लिस्टमा राखेसँगै आर्थिक अपराध अनुसन्धान गर्न प्रहरीमा छुट्टै महाशाखा गठन गरिएको थियो । सम्पत्ति शुद्धीकरण अनुसन्धान विभागमा कार्यरत प्रहरीलाई त्यहाँ स्थानान्तरण गर्ने गरी ओएण्डएम प्रस्ताव गरिएको छ ।
