बालेन सरकारले ल्याएको अध्यादेशप्रति नेपाली काँग्रेसको आपति
सुधन र मिराजलाई रक्षा बमको चेतावनी : मेरा चुरा लगाएका हातलाई कमजोर नठान्नुहोस
वि.सं.२०८२ पुस ७ सोमवार ०९:१३
2.24K
shares
shares
काठमाडौँ । नेपाल जेनजी फ्रन्टकी संयोजक रक्षा बमले सुदन गुरुङ र मिराज ढुङ्गानाप्रति लक्षित गर्दै कडा चेतावनी दिएकी छन् । आइतबार सामाजिक सञ्जाल फेसबुकमा स्ट्याटस पोस्ट गर्दै बमले पितृसत्तावादी सोचप्रति आपत्ति जनाउँदै ‘चुरा लगाएका हातलाई कमजोर ठान्ने भूल नगर्न’ चेतावनी दिएकी हुन् ।
बमले संसद् पुनः स्थापनाको बहसलाई पश्चगामी बाटोको संज्ञा दिँदै मुलुकको राजनीतिक कोर्स त्यस चरणभन्दा धेरै अघि बढिसकेको बताएकी छन् । उनका अनुसार अब निकासका लागि नयाँ जनादेश सहित नयाँ संसदमार्फत देशलाई अघि बढाउनुपर्ने आवश्यकता छ । ‘यतिखेर सबैभन्दा प्रमुख कुरा राजनीतिक प्रक्रिया हो,’ उनले लेखेकी छन्, ‘हामी कसैको पनि स्वार्थपूर्तिका खातिर राजनीतिक वा रणनीतिक गोटी बन्नु हुँदैन।’
उनले देशमा शान्तिको आवश्यकता औँल्याउँदै सबैलाई थप सचेत हुन आग्रह गरेकी छन् । साथै, चुरा लगाएका हातलाई कमजोरीको प्रतीक ठान्ने सोचप्रति कडा आलोचना गर्दै आफू यस्ता गलत कुकृत्यविरुद्ध निरन्तर मुठ्ठी उठाइरहेको स्पष्ट पारेकी छन् ।
