एमालेले फिर्ता गर्यो भीआईपी स्वास्थ उपचारको साढे तीन करोड
नागढुंगा सुरुङमा चल्ने सवारीको लागि दस्तुर तोकियो, कस्ले कति तिर्नु पर्छ ?
वि.सं.२०८२ चैत २७ शुक्रवार १४:११
1.11K
shares
shares
काठमाडौं । नागढुंगा सुरूङ मार्ग भएर गुड्ने सवारी साधनका लागि दस्तुर तोकिएको छ ।
भौतिक पूर्वाधार तथा यातायात मन्त्रालयले राजपत्रमा सूचना जारी गरी नेपाल सरकार मन्त्रिपरिषद्ले सडक बोर्ड ऐन, २०५८ को दफा ६ को उपदफा (१) ले दिएको अधिकार प्रयोग गरी नागढुङ्गा सुरुङमार्ग खण्डमा चल्ने सवारी साधनबाट सुरुङमार्ग उपभोगबापत दस्तुर लिने निर्णयअनुसार दर सार्वजनिक गरेको हो ।
सुरूङ मार्ग भएर कार, भ्यान, पिकअप ट्याक्टर, माइक्रो बस र अन्य हलुका सवारीसाधन काठमाडौं प्रवेश गर्दा ६५ र बाहिरिँदा ६० तोकिएको छ। यस्तै मिनी बस, मिनी टिपर/ट्रकको प्रवेशका लागि ११५ र बाहिरिँदा ८० तथा बस, ट्रक (सिङ्गल रियर एक्सल) प्रति सवारीसाधन प्रवेश गर्दा २६० र बाहिरिँदा २०० शुल्क तोकिएको छ ।
मल्टी एक्सल ट्रकरसवारीसाधन तथा भारी उपकरणको हकमा प्रवेश गर्दा ६०० र बाहिरिँदा २५० तोकिएको छ ।
