लामो दुरीका सवारी साधन काठमाडौ उपत्यकामै होल्ड, सबै नाका बन्द
इरानमाथि अमेरिकाले फेरी गर्यो हवाई आक्रमण, इरानी बन्दरगाहमा नाकाबन्दी गर्ने ट्रम्पको घोषणा
वि.सं.२०८३ असार ३० मंगलवार ०९:४७
325
shares
shares
काठमाडौं । अमेरिकी सेन्ट्रल कमाण्डले इरानमाथि पुनः हवाई आक्रमण सुरु गरेको जनाएको छ ।
इरानी सञ्चारमाध्यमहरुका अनुसार क्षेप्यास्त्र र ड्रोन आक्रमणका कारण बन्दर अब्बास र किश टापु आसपास क्षेत्रमा विस्फोटहरू भएका छन् ।
अमेरिकी सेनाले राष्ट्रपति डोनाल्ड ट्रम्पको आदेशसँगै १४ जुलाई (मंगलबार) राति ८ बजेदेखि अमेरिकी नौसेनाको नेतृत्वमा इरानी बन्दरगाहहरू र तटीय क्षेत्रहरूमा पुनः नाकाबन्दी लागू हुने घोषणा गरेको छ ।अमेरिकी सेनाले नाकाबन्दी लागू हुनुअघि नै उक्त क्षेत्र छोड्न तटस्थ जहाजहरूलाई चेतावनी दिएको छ ।
यसैबीच, संयुक्त अरब इमिरेट्स (युएई)को रक्षा मन्त्रालयले होर्मुज जलसन्धिमा ओमानको समुद्री क्षेत्र नजिकै आफ्ना दुईवटा तेल ट्यांकरमाथि इरानका दुईवटा क्रुज मिसाइलद्वारा आक्रमण गरिएको जनाएको छ ।मोम्बासा नामक ट्यांकरमा भएको उक्त आक्रमणमा परी एक भारतीय चालक दलका सदस्यको मृत्यु भएको छ भने अन्य आठ जना घाइते भएका छन् । यसअघि ट्रम्पले होर्मुज जलसन्धि खुला रहने र यसको सुरक्षाको जिम्मेवारी अमेरिकाले लिने बताएका थिए ।
आफूलाई होर्मुज जलसन्धिको संरक्षकका रूपमा प्रस्तुत गर्दै ट्रम्पले यसको खर्च जुटाउन उक्त जलसन्धि भएर आवतजावत गर्ने प्रत्येक मालवाहक जहाजमा २० प्रतिशत कर लगाइने बताए ।इरानले ट्रम्पको घोषणाको कडा विरोध गरेको छ । इरानी सेनाको मुख्यालयका प्रवक्ताले होर्मुज जलसन्धिमा अमेरिकाको कुनै पनि प्रकारको हस्तक्षेप स्वीकार्य नहुने चेतावनी दिएका छन् ।
