नेपाल राष्ट्रबैकले आजदेखी चलन चल्तीमा ल्यायो १००० को नोट
अमेरिका पुगे चिनियाँ राष्ट्रपति सी, पहिलाको परम्परा तोडदै ट्रम्पले विमानस्थलमै पुगेर गरे स्वागत
वि.सं.२०८३ असोज ८ बिहीवार ११:४२
104
shares
shares
काठमाडौं । चिनियाँ राष्ट्रपति सी चिनफिङ अमेरिका पुगेका छन् ।
शिष्टाचारको परम्परा तोड्दै अमेरिकी राष्ट्रपति डोनाल्ड ट्रम्पले जोइन्ट बेस एन्ड्रयुज विमानस्थलमा सीलाई स्वागत गरेको अन्तर्राष्ट्रिय सञ्चारमाध्यमहरुले जनाएका छन् ।ट्रम्पले सीका लागि अमेरिकी परम्परा तोडेका हुन् । अमेरिकी इतिहासमा विदेशी नेताहरूलाई राष्ट्रपतिले ह्वाइट हाउसमै भेट्ने परम्परा रहेको थियो ।
ट्रम्प सीलाई स्वागत गर्न विमानस्थलमा पहिले नै पुगिसकेका थिए ।ट्रम्पसँगै अमेरिकी प्रथम महिला मेलानिया ट्रम्प पनि उपस्थित थिइन् । सीका साथमा उनकी पत्नी पेङ लियुआन थिइन् ।अमेरिकी सैन्य विमानहरूले उनीहरूको स्वागत गर्यो भने बी १ बम्बर विमानले फ्लाइपास्ट गरेको थियो । सैन्य ब्यान्ड, गार्ड अफ अनर र फ्लाइपास्टले स्वागत समारोहको भव्यता बढाएको थियो ।
ट्रम्प र सी जिनपिङबीच बिहीबार द्विपक्षीय बैठक हुनेछ । बैठकमा व्यापार, भन्सार महसुल, कृत्रिम बुद्धिमत्ता (एआई) लगायतका विषयमा छलफल हुनसक्ने बताइएको छ ।
