विजयादशमीले मानिसमा रहेका अहंकार, लोभ, ईर्ष्या, हिंसा र विभेद जस्ता नकारात्मक सोचलाई त्याग्न प्रेरणा दिन्छ...
लिग-२ को अन्तिम खेल खेलेर नेपाली क्रिकेट टोली स्वदेश फर्कियो
वि.सं.२०८३ कात्तिक ४ बुधवार ११:४२
143
shares
shares
काठमाडौं । आईसीसी क्रिकेट विश्वकप लिग २ अन्तर्गत ओमानमा भएको आफ्नो अन्तिम शृङ्खला खेलेर नेपाली क्रिकेट टोली स्वदेश फर्किएको छ ।
नेपाली टोली मंगलबार बेलुकी काठमाडौं आइपुगेको हो । टोलीलाई क्यानका तर्फबाट राजेश महर्जन, खेमराज अवस्थीलगायतले स्वागत गरे ।नेपालले ओमान र क्यानडासँग भएको उक्त शृङ्खलाका ४ मध्ये ३ खेल जितेको थियो । ओमानलाई दुवै खेलमा हराउँदा क्यानडासँग एक जित र एक हारको नतिजा नेपालले निकाल्यो ।
यस शृङ्खलापछि नेपाल लिग २ मा सबै ३६ खेल खेलेर ३० अंकका साथ छैटौं स्थानमा रह्यो । छैटौं स्थानसम्म रहनु ओडीआई मान्यता जोगाउनुसरह भएकाले अर्थपूर्ण थियो ।नेपाली खेलाडीहरू अब दसैंको टिकापछि एनपीएलको तयारीमा जुट्नेछन् ।
