वीर अस्पतालका निर्देशक डा. शर्माले दिए राजिनामा
आज देखि मतदाता नामावलीमा दाबी बिरोध गनॅ पाईने
वि.सं.२०७८ फागुन २० शुक्रवार ०८:२९
520
shares
shares
आगामी ३० वैशाखमा हुने गरी तय भएको स्थानीय तहको निर्वाचनको तयारीमा निर्वाचन आयोग होमिएको छ । यस प्रक्रिया अन्तर्गत आज देखि मतदाता नामावलीमा दाबी-विरोध सुरु भएको छ ।
आयोगका प्रवक्ता शालिग्राम शर्मा पौडेलका अनुसार २६ फागुन सम्म मतदाता नामावलीमा रहेको त्रुटि सच्याउन निवेदन दिने, कसैले झुटो विवरण दिइ नामावलीमा नाम समावेश गरेको भए सोको विरोधमा उजुरी दिने, कुनै मतदाताको नाम एक भन्दा बढी स्थानमा समावेश भएकोमा एक स्थानमा मात्र कायम गर्न निवेदन दिन पाइनेछ ।
यो अवधिमा मृत्यु भएका वा नागरिकता त्यागेका मतदाताको नाम मतदाता नामावली बाट हटाउन सूचना दिने, उजुरी परेको मतदातालाई प्रमाण सहित सफाइको मौका दिइने उनले जनाए । ७७ वटै जिल्ला स्थित निर्वाचन कार्यालयमा दाबी-विरोधका लागि निवेदन दिन सकिने र सोही आधारमा आयोगले छानबिन गरेर मतदाताको अन्तिम नामावली प्रकाशन गर्नेछ।
यस्तै, आसन्न स्थानीय तह निर्वाचनका लागि रु आठ अर्ब ११ करोड बजेटको सुनिश्चितता प्राप्त भएको निर्वाचन आयोगले जनाएको छ । निर्वाचन आयोगमा आयोजित नियमित पत्रकार सम्मेलनमा प्रवक्ता शालिग्राम शर्मा पौडेलले अर्थ मन्त्रालयले आयोगलाई स्रोत सुनिश्चितताको पत्र पठाएको जानकारी दिए ।
