२०८२ भाद्र २३ गते भएको जेनजीहरुको विरोध प्रदर्शन र त्यही प्रदर्शनमा भएको दमनको...

पुरा पढ्नुहाेस्

linktrix Long Ad
Salt Trading Long Ad

बीरगञ्ज बाहेकका अन्य पालिकामा गठबन्धन गर्न ४ दल सहमत

780
shares

वीरगञ्ज । पर्सामा वीरगञ्ज महानगरपालिका बाहेक अन्य पालिकामा गठबन्धन गरेर जान चार राजनीति दल सहमत भएका छन् । महानगर बाहेक १३ पालिकामा गठबन्धन गरेर जान नेपाली कांग्रेस, जनता समाजवादी पार्टी, नेकपा माओवादी केन्द्र र एकीकृत समाजवादी सहमत भएका हुन् ।

गठबन्धनमा पाँच दल भए पनि पर्सामा ४ दल मात्रै सक्रिय छन् । मंगलबार बसेको बैठकमा महानगरपालिका बाहेक बाँकी पालिकामा वास्तविक अवस्थाको विश्लेषण गरेर गठबन्धन गरेर जाने निर्णय भएको नेपाली कांग्रेस पर्साका उपभासपति राम नारायण कुर्मीले जानकारी दिए ।

‘महानगरमा कांग्रेसको आफ्नो दाबी छ, अरु दलको पनि आफ्नै किसिमको दाबी छ’ उनले भने, ‘महानगरपालिका बाहेक अन्य पालिकामा दलहरूको वर्तमान स्थितिको विश्लेषण गर्ने र गठबन्धन गरेर जाने सहमति भएको छ ।’

तीन नगरपालिका र १० गाउँपालिकामा कसरी गठबन्धन हुने भन्ने बारेमा भने निर्णय भइनसकेको उनले बताए । ‘सबै दलले आ-आफ्नो हिसाबले प्रतिवेदन तयार गरेर ल्याउँछन्’ उनले भने, ‘त्यसपछि स्ट्रेन्थको आधारमा कसले कहाँ कसरी सहयोग गर्ने भन्ने निर्णयमा पुग्छौं ।’

 

 

sapta chakra spa
below next and prev inner page
below international hompage
below entertainmnet insurance
napali patro below sports