काँग्रेसले टुङ्ग्यायो प्रमुख सचेतक र सचेतक
देउवाविरुद्ध एक हुन सकेनन् इतर पक्ष
वि.सं.२०७७ असोज १५ बिहीवार १५:३२
455
shares
shares
काठमाडौ । संघीय संसदको प्रमुख विपक्षी दल नेपाली कांग्रेस आन्तरिक द्वन्द्वमा फसेको कारण उसले प्रमुख प्रतिपक्षी दलको भूमिका निभाउन सकेको छैन । पार्टीको संस्थापन पक्ष र इतर पक्ष आ आफ्नै रणनीतिमा रहेका छन् । इतर पक्षमा पनि पार्टीका वरिष्ठ नेता रामचन्द्र पौडेल र पूर्व महामन्त्री कृष्ण प्रसाद सिटौलाले अलग अलग गुट सञ्चालन गरेको हुनाले इतर पक्ष पनि एक हुन सकेको छैन । संस्थापन पक्षका विरुद्ध एउटै रहेकोमा उभिने प्रयास इतर पक्षले गरेपनि गुटगत स्वार्थका कारण इतर पक्ष एक हुन सकेका छैनन् । पार्टीका वरिष्ठ नेता पौडेल र अर्का नेता सिटौलाबीच गहिरो अविश्वास रहेको छ ।वरिष्ठ नेता पौडेल र सिटौलाबीच लामो समयसम्म बोलचाल नै बन्द भएपनि अहिले उनीहरुबीच एउटै लाइनमा उभिनु दुवै पक्षका नेताहरुले प्रयास गरेका भएपनि उनीहरुको प्रयास सफल हुन सकिरहेको छैन ।
पार्टी सभापति शेरबहादुर देउवाले १४ औं महाधिवेशनलाई प्रभावित पार्नका निम्ति विधान विपरित निर्णयहरु गर्दै जान थालेपछि पौडेल र सिटौला दुवैले त्यसको विरोध गर्दै आएका छन् । दुवै नेताले सभापति देउवालाई पार्टीको विधान विपरितका कार्यहरु नगर्न चेतावनी समेत दिएका छन् । पछिल्लो समयमा पौडेल पक्षले पार्टीमा विरोधपत्र बुझाउने भन्दै विरोध पत्रमा हस्ताक्षर गर्न सिटौला पक्षलाई आग्रह गरेकोमा सिटौला पक्षले त्यसलाई अस्वीकार गरेको छ । सभापति देउवाले केन्द्रीय विभागको गठन र त्यस्ता विभागमा भएका मनोनयन, क्रियाशिल सदस्यता वितरण, नविकरण पार्टी संरचनाको संयोजन सम्बन्धी विरोधपत्रमा उल्लेख गरिएको छ । पौडेल पक्षका अनुसार सभापति देउवाले महाधिवेशनलाई आफ्नो पक्षमा पार्न विधान विपरितका निर्णयहरु विधान विपरित रहेको भन्दै त्यस्ता कदमका विरोध गर्दै आउनुभएको भएपनि उनी पौडेल पक्षसँग सहमत हुन सक्नुभएको छैन । १३ औं महाधिवेशनमा सिटौलाको सहयोगमा देउवा सभापति निर्वाचित हुनुभएको थियो । भने पौडेल पराजित भएका थिए ।
कांग्रेसको महाधिवेशनबाट आउँदो फागुनमा गर्ने निर्णय पार्टीले पहिला नै गरिसकेको भएपनि कोरोना भाइरसका कारण केही कामहरु गर्न बाँकी रहेकाले एक दुई महिनापछि सार्न सिटौलाको सुझाव रहेको छ भने पौडेल पक्ष भने जसरी भएपनि फागुनमै महाधिवेशन गर्नुपर्ने अडानमा रहेको छ । नेता सिटौलाको अनुसार सबैको सहमतिमा कार्यतालिका संशोधन गरिएन भने नेतृत्वलाई प्रक्रिया विपरित जान अझै सहयोग पुग्ने भएकाले पौडेल पक्षलाई सहमतिमा आउन सिटौलाले आग्रह गरेको छ । यसरी प्रमुख प्रतिपक्षी दल आफैँ आन्तरिक द्वन्द्वमा फसेको हुनाले उसले सरकारका काम कारबाहीका बारेमा केही बोल्न सकेको छैन । अर्थात कांग्रेस आफैँमा अल्मलिएको छ ।
