वर्षाका कारण हुम्लाका तीन वटा मतदान केन्द्रमा मतदान प्रभावित
वि.सं.२०७९ वैशाख ३० शुक्रवार ०९:१४
shares

हुम्ला ।वर्षाका कारण हुम्लाका तीन वटा मतदान केन्द्रमा मतदान प्रक्रिया सुरु हुन ढिलाइ भएको जिल्ला निर्वाचन कार्यालय हुम्लाले जनाएकाे छ ।
निर्वाचन कार्यालयका अनुसार वर्षाका कारण नाम्खा गाउँपालिकाकाे महाबाैद्ध मावि, धुमछुमी आधारभूत विद्यालय भुवा कलाश र स्वयम्भु आधारभूत विद्यालय बराई मतदान केन्द्रमा मतदान सुरु हुन नसकेको हो ।
चंखेली गाउँपालिका-५ काे डाँफे आधारभूत विद्यालय नेप्का र सर्केगाड गाउँपालिका- ८ काे अंशुवर्मा आधारभूत विद्यालय मतदान केन्द्रमा भने मतदान जारी रहेको जिल्ला निर्वाचन कार्यालयले जनाएको छ ।



































