पाकिस्तान र इरानबीच क्षेत्रिय शान्ति र बलियो द्धिपक्षिय सम्बन्ध राख्ने प्रतिबद्धता
अनुमतिपत्र नलिई इन्टरनेट सेवा सञ्चालन गरे कारर्वाही गर्ने दूरसञ्चार प्राधिकरणको चेतावनी
वि.सं.२०७९ जेठ २६ बिहीवार १६:२७
559
shares
shares
काठमाडौं ।नेपाल दूरसञ्चार प्राधिकरणले अनुमतिपत्र नलिई दूरसञ्चार सेवा सञ्चालन नगर्न आग्रह गरेको छ । प्राधिकरणले एक सूचना जारी गर्दै दूरसञ्चार ऐन, २०५३ को दफा २१ बमोजिम कसैले पनि अनुमतिपत्र नलिई दूरसञ्चार सेवा सञ्चालन गर्न नपाइने कानुनी व्यवस्था रहेकाले अनुमति लिएर मात्र सेवा सञ्चालन गर्न आग्रह गरेको हो ।
दूरसञ्चार प्राधिकरणका सहायक प्रवक्ता अच्युतानन्द मिश्रले कुनै पनि आइएसपी वा इन्टरनेट सेवा प्रदायक कम्पनीले अनुमति बिना दूरसञ्चार सेवा दिएको पाइए कानुनी कारबाही हुने बताए । उनले भने, ‘ कुनै पनि आइएसपी वा इन्टरनेट सेवा प्रदायक कम्पनीलाई दूरसञ्चार ऐन, २०५३ को दफा २१ बमोजिम अनुमति बिना दूरसञ्चार सेवा सञ्चालन नगर्न आग्रह गरेका छौं। यदि त्यस्तो गरेको पाइएमा कानुनी कारबाही हुन्छ ।’
पछिल्ला केही दिनयता कानुनी व्यवस्थाको बर्खिलाप गरी स्याटेलाइट प्रविधिबाट इन्टरनेट सेवा सञ्चालन भइरहेको उजुरी आएको प्राधिकरणले सूचना निकालेको उनले बताए ।अनुमति बिनै दूरसञ्चार सेवा सञ्चालन गरेको पाइए कानुन बमोजिम कारबाही गर्ने बताउँदै उनले प्राधिकरणले अनुमतिपत्र प्राप्त नगरी गैरकानुनी रूपमा कसैले पनि इन्टरनेट सेवा सञ्चालन गरेको वा वितरण गरेको फेला परेमा खबर गर्न समेत अनुरोध गरे ।
