Abhiyan Weekly

सरकारी लगानी भएका सबै बैंकका अध्यक्षले पदबाट राजीनामा दिए सर्वोच्चका न्यायाधीश शर्मा प्रधानन्यायाधीशमा सिफारिस प्रधान न्यायाधीश सिफारिससम्बन्धी निर्णयका लागि संवैधानिक परिषद्को बैठक जारी कीर्तिपुरमा दिउँसै युवकको हत्या आरोपमा तीन पक्राउ सरकारले सूचना जारी गरेपछि नेकपा एमालेले नयाँ कार्यालय खोज्न थाल्यो भारतले लिपुलेकबारे आफ्नो अडान दोहोर्‍यायो स्वास्थ्य विज्ञान प्रतिष्ठान र केही अस्पतालमा निमित्त जिम्मेवारी तोकियो रातो मत्स्येन्द्रनाथको रथ आगामी असार ३ गते जावलाखेल लगिने कांग्रेस नेता तथा पूर्वमन्त्री कार्की विरुद्ध भ्रष्टाचार मुद्दा दर्ता ३४ बर्ष पछि स्वास्थ क्षेत्रमा ९७७ नयाँ दरबन्दी थपिदै सुनको भाउ प्रतितोला २ लाख ९८ हजार ६ सय रुपैयाँ अध्यादेशले शासन चलाउने भए संसदको आवश्यकता किन ?

नेपाल इन्भेष्टमेन्ट बैंक र मेगा बैंक एक आपसमा मर्ज हुने

Abhiyan Weekly

वि.सं.२०७९ जेठ २७ शुक्रवार २०:०५

572
shares

काठमाडौं ।नेपाल इन्भेष्टमेन्ट बैंक र मेगा बैंक एक आपसमा मर्ज हुने भएका छन् । शुक्रबार राजधानीमा एक कार्यक्रमका बिच दुई बैंकका बिचमा मर्जरमा जानका लागि प्रारम्भिक सम्झौता भएको हो । हिमालयन बैंक सँगको मर्जर प्रकृया तोडिए पछि इन्भेष्टमेण्ट बैंकले मेगा बैंक सँग मर्जर सम्झौता गरेको हो । मेगा बैंकको १०० कित्ता शेयर बराबर इन्भेष्टमेण्ट बैंकको ९० कित्ता शेयर हुने गरी सम्झौतामा भएको हो ।

ठमेल स्थित अलफ्ट होटलमा भएको सम्झौता अनुसार मर्जर पछि बैंकको नाम नेपाल इन्भेष्टमेन्ट मेगा बैंक लिमिटेड हुनेछ भने अध्यक्ष नेपाल इन्भेष्टमेन्ट बैंकका अध्यक्ष पृथ्वी बहादुर पाँडे हुनेछन् । नयाँ बन्ने बैंकको प्रमुख कार्यकारी अधिकृतको जिम्मेवारी इन्भेष्टमेण्ट बैंकका प्रमुख कार्यकारी अधिकृत ज्योति प्रकाश पाण्डेले सम्हाल्नेछन् भने डेपु्टी प्रमुख कार्यकारी अधिकृतको जिम्मेवारी मेगा बैंककी कायम मुकायम प्रमुख कार्यकारी अधिकृत रवीना देशराज जोशीले सम्हाल्नेछिन् ।

हिमालयन सँगको मर्जर तोडिए पछि इन्भेष्टमेण्ट बैंकलाई अर्को मर्जरमा जान निर्देशन दिएको नेपाल राष्ट्र बैंकले मेगा सँगको मर्जरलाई अघि बढाउन तत्कालै शैद्धान्तिक सहमति दिने देखिन्छ । ढिलोमा असोज मसान्त सम्ममा एकीकृत कारोबार सुरु गर्नका लागि दुवै बैंकले डिडिए, साधारण सभा लगायतका कामलाई तिब्र बनाउने बताएका छन् ।

अहिले नेपाल इन्भेष्टमेन्ट बैंकको चुक्ता पुँजी १८ अर्ब ३० करोड रुपैयाँ छ भने मेगाको १६ अर्ब १२ करोड रुपैयाँ छ । ९० प्रतिशतको स्वापमा मर्जर हुँदा नेपाल इन्भेष्टमेण्ट मेगा बैंक लिमिटेडको चुक्ता पूँजी ३३ अर्ब हाराहारी पुग्नेछ । शेयर स्वाप बाट बच्ने १ अर्ब ६० करोड रुपैंया तथा मेगा बैंकको जगेडा कोषको रकम पनि नयाँ बन्ने बैंकको जगेडा कोषमा सञ्चित हुनेछ । यस आधारमा पूँजी, जगेडा कोष, पूँजी कोष लगायतका सुचकका आधारमा सबैभन्दा ठुलो बैंक बन्नेछ ।

प्रकाशित मिति / समय : वि.सं.२०७९ जेठ २७ शुक्रवार २०:०५