चोलेन्द्र पक्राउ प्रकरणमा नेपाल बार बोल्यो, डटेर सामना गरिन्छ
उच्च वृद्धि सहित भारत बाट इन्धनको नयाँ मूल्यसूची प्राप्त
वि.सं.२०७९ असार २ बिहीवार २०:२३
754
shares
shares
काठमाडौं ।नेपाल आयल निगमले डिजल र पेट्रोलमा उच्च वृद्धि सहित भारत बाट इन्धनको नयाँ मूल्य सूची प्राप्त भएको बताएको छ । यद्यपि आयल निगमले नेपालमा लागु हुने गरी इन्धनको भाउ भने बढाएको छैन ।
भारतीय आयल निगम (आईओसी) ले पठाएको नयाँ मूल्यसूची अनुसार पेट्रोलको लागत एक लिटरमा २०९ रुपैयाँ २८ पैसा पुगेको छ भने डिजलको लागत मूल्य २०२ रुपैयाँ १६ पैसा पुगेको छ ।
निगमका प्रवक्ता विनीतमणि उपाध्यायका अनुसार मट्टीतेलको लागत मूल्य १४७ रुपैयाँ ९९ पैसा पुगेको छ । यो हालसम्मै उच्च मूल्य भएको निगमको भनाइ छ । नयाँ मूल्यसूची अनुसार खाना पकाउने ग्याँसको लागत २५ सय ५१ रुपैयाँ १५ पैसा पुगेको छ ।
