बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
पाकिस्तानमा एफसी मुख्यालयमा आक्रमण, ३ जनाको निधन
वि.सं.२०८२ मंसिर ८ सोमवार १३:३४
1.64K
shares
shares
सोमबार बिहान पाकिस्तानको पेसावरमा रहेको फ्रन्टियर कोर्प्स (एफसी) को मुख्यालयमा आक्रमण भएको छ। हमलामा तीन जनाको मृत्यु भएको छ।
पाकिस्तानी प्रहरीले खैबर पख्तुनख्वा प्रान्तको पेसावरमा रहेको फ्रन्टियर कन्स्टेबुलरी मुख्यालयमा आतंककारीले आक्रमण गरेको पुष्टि गरेको छ।पाकिस्तानका गृहमन्त्री मोहसिन नक्वीले घटनामा तीन एफसी कर्मचारीको मृत्यु भएको पुष्टि गरेका छन्।
पेसावरका प्रहरी अधिकारी मियाँ सईदले आक्रमणको पूर्ण विवरण अझै थाहा हुन नसकेको बताएका छन्।लेडी रिडिङ अस्पतालका प्रवक्ता मोहम्मद असिमका अनुसार अहिलेसम्म पाँच जना घाइतेलाई अस्पतालमा ल्याइएको छ।
पेसावर सदरमा रहेको एफसी मुख्यालय घना बस्ती भएको क्षेत्रमा छ।
