जनकपुरमा गुठी जग्गामा बसेकाहरूले बालेन सरकारका विरूद्ध प्रदर्शन गर्दै मागे राजिनामा
भेपमार्फत सुन तस्करी प्रकरणमा कृष्ण बहादुर महरालाई २० लाख धरौटीमा रिहा गर्न उच्च अदालत पाटनको आदेश
वि.सं.२०८२ मंसिर ११ बिहीवार १५:५२
1.21K
shares
shares
काठमाडौं । भेपमार्फत सुन तस्करी प्रकरणमा मुछिएका पूर्वसभामुख कृष्णबहादुर महरालाई २० लाख रुपैयाँ धरौटीमा रिहा गर्न उच्च अदालत पाटनले आदेश दिएको छ ।
न्यायाधीश अर्जुनप्रसाद कोइराला र तेजेन्द्र प्रसाद शर्मा सापकोटाको इजलासले बिहीबार महरालाई धरौटीमा रिहा गर्न आदेश दिएको हो । महरा असोज २६ गते काठमाडौंबाट पक्राउ परेका थिए ।
‘प्रतिवादी उपरमा लागेको अभियोग दाबी तथा संकलित सबुत प्रमाणहरू, प्रतिवादीको उमेर र स्वास्थ्य अवस्था समेतका समग्र परिस्थिति तथा मुलुकी फौजदारी कार्यविधि संहिता, २०७४ दफा ७२ समेतलाई विचार गरी पछि थप प्रमाण बुझ्दै जाँदा ठहरेबमोजिम हुने हुँदा हाल प्रतिवादी कृष्णबहादुर महराबाट मुलुकी फौजदारी कार्यविधि संहिता, २०७४ को दफा ६८ बमोजिम रू २०,००,००० (बीस लाख रुपैयाँ) नगद धरौटी वा सोबराबरको जमानत वा बैंक जमानत दिए लिई मुद्दा पुर्पक्षका लागि तारिखमा राखी नियमानुसार गर्नू,’ आदेशमा भनिएको छ ।
‘पूरक अभियोगमा नयाँ तथा थप प्रमाण संकलन भई दाबीमा उल्लेख हुन सकेको अवस्था समेत मिसिलबाट नदेखिएको, शुरू मूल अभियोग तथा पहिलो पूरक अभियोग दाबी समेत उपरमा प्रमाण संकलन भै उक्त प्रमाणहरूको विवेचना भै फैसला समेत भैसकेको एवं प्रतिवादीले अधिकारप्राप्त अधिकारीसमक्ष तथा अदालतसमक्ष गरेको बयान व्यहोरा समेतका परिप्रेक्ष्यमा तत्काल प्राप्त प्रमाणहरूका आधारमा प्रतिवादीलाई थुनामा नै राखी मुद्दाको पुर्पक्ष गर्नुपर्नेसम्मको अवस्था नदेखिएको अवस्थामा तहाँ अदालतबाट मुलुकी फौजदारी कार्यविधि संहिता, २०७४ को दफा ६७ बमोजिम थुनामा राखे गरी भएको मिति २०८२र०६र२९ को आदेश मिलेको नदेखिँदा देखिँदा बदर गरिदिएको छ,’ आदेशमा अगाडि भनिएको छ ।
