पहिलाको जस्तै मुख्य सचिव र सचिवहरु देउसी खेल्लान् ?

तत्कालिन प्रतिनिधिसभाको २०७४ र २०७९ का दुवै कार्यकालयमा निजामित विधेयकको मस्यौदा तयार...

Abhiyan Weekly

सुनको मूल्य घट्यो अमेरिकासँग फेरी युद्ध सुरू हुन सक्छ: इरान आइपीएल : चेन्नई सुपर किग्सको चौथो जित, प्लेअफमा पुग्ने सम्भावना कायमै पाकिस्तानमा पनि मनाइँयो बुद्ध जयन्ती राष्ट्रपति पौडेलले दिए विश्व प्रेस स्वतन्त्रता दिवसको उपलक्षमा शुभकामना अध्यादेशबाट क-कसले गुमाए आ-आफ्नो पद ? यस्तो छ आजको लागि तोकिएको विदेशी मुद्राको विनिमय दर आजको मौसम : सातै प्रदेशमा वर्षाको सम्भावना तिलगङ्गा पशुपति क्षेत्रका अतिक्रमित घर भत्काइँदै त्रिभुवन विश्वविद्यालय सेवा आयोगका अध्यक्ष प्रा.डा. भट्टराईले राजीनामा दिए ११० वटा निकायका राजनितिक नियुत्ति खारेज गर्ने सरकारलाई बाटो खुल्यो प्रेस स्वतन्त्रता हननका घटनामा वृद्धि, महासंघले भन्यो आगामी दिन झन कठीन

राष्ट्रपति पौडेलले समेत जाँचबुझ आयोगलाई पठाए लिखित जवाफ

Abhiyan Weekly

वि.सं.२०८२ पुस २३ बुधवार १७:४६

962
shares

राष्ट्रपति रामचन्द्र पौडेलले भदौ २३ र २४ गतेको घटना सम्बन्धी जाँचबुझ आयोगमा जवाफ पठाएका छन्। आयोगले राष्ट्रपति पौडेलसँग भदौ २३ र २४ गतेका घटनासम्बन्धी जानकारी माग गर्दै एक साता अघि पत्र पठाएको थियो।

प्रश्नसहित पठाएको पत्रको जवाफ राष्ट्रपतिबाट प्राप्त भएको आयोगका प्रवक्ता विज्ञानराज शर्माले बताए। राष्ट्रपतिलाई आयोगले भदौ २४ गते के कसरी घटना हुन पुग्यो र त्यतिवेला तपाईं कहाँ हुनुहुन्थ्यो लगायतका प्रशनसहित जानकारी मागेको थियो।राष्ट्रपति पौडेलले ती प्रश्नको जवाफ दिएका हुन्। भदौ २४ गते प्रदर्शनकारीले राष्ट्रपति कार्यालय शीतलनिवासमा पनि आगजनी र तोडफोड गरेका थिए। नेपाली सेनाले राष्ट्रपति कार्यालयमै जोगाउन नसकेपछि पौडेललाई भैरवनाथ गणमा लगिएको थियो।

सुरुमा सेनाको ब्यारेकमा बसेर सुरक्षित भएका राष्ट्रपति पछि सरकार गठनका लागि सक्रिय भएका थिए। राष्ट्रपति ब्यारेकमा बस्दा सेनाले नै सरकार गठनका लागि जेनजी लगायत विभिन्न शक्तिसँग छलफल थालेको थियो।राष्ट्रपति कार्यालयमा भदौ २७ गते सुशीला कार्कीलाई प्रधानमन्त्रीमा नियुक्त गरेका थिए। प्रधानमन्त्री कार्कीकै सिफारिसमा त्यसैदिन प्रतिनिधि सभा विघटन गरिएको थियो।सरकार बनेको दोस्रो साता असोज ९ गते पूर्वन्यायाधीश गौरीबहादुर कार्कीको नेतृत्वमा तीन सदस्यीय जाँचबुझ आयोग गठन भएको थियो।आयोगले तत्कालीन सरकारका प्रधानमन्त्री केपी शर्मा ओली र गृहमन्त्री रमेश लेखकलाई स्थानहद तोकेरै बयान लिएको थियो भने अन्य विशिष्ट व्यक्तिलाई लिखित पत्र मार्फत घटना विवरणबारे जवाफ माग गरेको थियो।

आयोगले पूर्वप्रधानमन्त्रीहरू शेरबहादुर देउवा, पुष्पकमल दाहाल प्रचण्ड, सभामुख देवराज घिमिरे, राष्ट्रिय सभाका अध्यक्ष नारायण दाहालसँग पनि जवाफ माग गरेको थियो। घिमिरेले मंगलबार जवाफ बुझाइसकेका छन्। राष्ट्रिय सभाका अध्यक्ष दाहालले जवाफ पठाउन बाँकी छ।यस्तै काठमाडौँ महानगरपालिकाका मेयर बालेन्द्र साह (बालेन) ले पनि जवाफ बुझाइसकेका छन्। तत्कालीन प्रधानमन्त्री ओलीले भने लिखित जवाफ नै दिएका थिए। उनलाई बयानका लागि बोलाउन पुगेको टोली लिखित जवाफ बोकेर फर्किएको थियो।

तत्कालीन गृहमन्त्री रमेश लेखक, तत्कालीन गृहसचिव गोकर्णमणी दुवाडी, प्रधानसेनापति अशोकराज सिग्देल, तत्कालीन प्रहरी महानिरीक्षक चन्द्रकुवेर खापुङ, सशस्त्र प्रहरी महानिरीक्षक राजु अर्याल, प्रहरी महानिरीक्षक दानबहादुर कार्की, राष्ट्रिय अनुसन्धान विभागका तत्कालीन प्रमुख हुतराज थापा, काठमाडौँका तत्कालीन प्रमुख जिल्ला अधिकारी छविलाल रिजालले भने आयोगमै पुगेर बयान दिएका थिए।लेखक र ओलीसहितलाई बयानअघि स्थानहद तोकिएको थियो। बयान सकिएसँगै आयोगले उनीहरूको स्थानहद पनि फुकुवा गरिसकेको छ।

प्रकाशित मिति / समय : वि.सं.२०८२ पुस २३ बुधवार १७:४६