रास्वपाको महामन्त्रीमा भूपदेव शाह मनोनित
सशस्त्रका दुई डिआइजीको पदावधि थप
वि.सं.२०८२ चैत ४ बुधवार १८:०९
793
shares
shares
सशस्त्र प्रहरीका नायव महानिरीक्षक (डिआइजी) लक्ष्मणबहादुर सिंह र प्रदिपकुमार पालको पदावधि एक वर्ष थपिएको छ ।
भोलिदेखि अवकाशमा जान लागेका दुवैको पदावधि थप्ने सरकारले निर्णय गरेको हो । सशस्त्र प्रहरी मुख्यालयले सिंह र पालको कार्यकाल एक वर्ष थप्न सिफारिस गरेकोमा गृह मन्त्रालयले स्वीकृत गरेको बताइएको छ ।
सशस्त्र प्रहरी नियमावली २०७२ को दफा ६५ (ग)मा एआईजी र डिआइजीको पदावधि चार वर्षको हुने र आइजिपीको सिफारिसमा एक वर्ष थप्न सकिने व्यवस्था छ ।
हाल राष्ट्रिय सुरक्षा परिषदको सचिवालयमा कार्यरत सिंह र मुख्यालयस्थित कार्य विभाग दरबन्दी रहेका पाल ०७८ चैत ६ गते डिआइजीमा बढुवा भएका थिए । दुवै जनालाई भावी एआइजीको रुपमा हेरिएको छ ।
