सिंहदरबारमा मन्त्रिपरिषद् बैठक सुरु
आफ्नो घरमा भाडामा बस्न आउनेलाई प्रहरी रिपोर्ट माग्न प्रहरीको घर धनीलाई अनुरोध
वि.सं.२०८३ वैशाख ६ आइतवार १५:५८
1.51K
shares
shares
काठमाडौं । घर भाडामा बस्न आउनेसँग प्रहरी रिपोर्ट अनिवार्य माग्न काठमाडौंका घरबेटीलाई प्रहरीले अनुरोध गरेको छ । राजधानीको बढ्दो जनसंख्या र सुरक्षा चुनौतीलाई मध्यनजर राख्दै प्रहरीले भाडावालासँग अनिवार्य प्रहरी रिपोर्ट माग्न उपत्यकाका घरबेटीहरूलाई सुझाएको हो ।
काठमाडौं प्रहरी प्रशासनले भाडामा बस्न आउने व्यक्तिको पहिचान स्पष्ट गर्न र सम्भावित आपराधिक गतिविधि रोक्न यस्तो निर्देशन दिएको हो । राजधानीको महत्वपूर्ण सुरक्षा सचेतना अपनाउन आग्रह गर्दै उपत्यका प्रहरीले भाडावालाको पृष्ठभूमि बुझेर मात्र कोठा भाडामा दिन आग्रह गरेको हो ।काठमाडौं उपत्यकामा पछिल्लो समय विभिन्न आपराधिक कृयाकलाप, ठगी, चोरी, बलात्कार र संकास्पद गतिविधिमा भाडामा बस्ने व्यक्तिहरुको संलग्नता बढिरहेको देखेपछि सुरक्षाका हिसावले यो कदम महत्वपूर्ण मानिएको छ । त्यसैले आगामी दिनमा प्रहरीले भाडामा बस्न आउनेसँग प्रहरी रिपोर्ट वा स्थानीय प्रहरीको सिफारिस पत्र अनिवार्य माग्न घरबेटीहरूलाई अनुरोध गरेको हो ।
धेरैजसो काठमाडौंमा कोठा भाडामा बस्न आउनेहरुसँग घरबेटीहरुले पैसाको मात्र कुरा गर्ने र अन्य कुराहरु केही सोधखोज नगर्ने हुनाले घटना पश्चात् अपराध अनुसन्धानमा कठिनाइ हुने गरेको उपत्यका प्रहरी प्रशासनको निष्कर्ष छ ।
त्यसैले अबदेखि भाडामा बस्न आउनेहरुको स्थानीय ठेगाना, परिचय पत्र, रोजगारी विवरण तथा आवश्यक कागजात घरबेटीलाई राख्न निर्देशन दिएको हो । यस्तो भएमा प्रहरी रिपोर्ट संकलन गर्न सहज हुने र कुनै पनि आपराधिक घटनापछि अनुसन्धान प्रक्रिया सहजता हुने विश्वास प्रहरी प्रशासनको छ ।
