आज शुक्रवार सुनको मूल्य प्रतितोला ४ हजार घट्यो
आईपीएलको इतिहासमै चेन्नईको सबैभन्दा ठुलो अन्तरको जित, मुम्बई १०३ रनले पराजित
वि.सं.२०८३ वैशाख ११ शुक्रवार ०९:२३
819
shares
shares
Sanju Samson of Chennai Super Kings celebrates after scoring a hundred during Match 33 of the TATA Indian Premier League 2026 between Mumbai Indians and Chennai Super Kings at Wankhede Stadium, Mumbai, India, on April 23, 2026. Photo by Deepak Malik / CREIMAS for IPL
काठमाडौं । जारी आईपीएल क्रिकेटमा चेन्नई सुपर किंग्सले मुम्बई इन्डियन्सलाई १०३ रनको विशाल अन्तरले पराजित गरेको छ ।
वानखेडे स्टेडियममा गएरातिको खेलमा चेन्नईले सञ्जु सामसनको शतकमा मुम्बईलाई जितको लागि २०८ रनको लक्ष्य दिएको थियो ।सामसनले ५४ बलमा १० चौका र ६ छक्का प्रहार गर्दै अविजित १०१ रन बनाए । यो सिजनको सामसनको दोस्रो शतक हो ।
जवाफी ब्याटिङमा मुम्बई १९ ओभरमा १०४ रनमा अलआउट भएको हो । मुम्बईका लागि तिलक वर्माले ३७ रन र सूर्यकुमार यादवले ३६ रन बनाए ।मुम्बईका आठ ब्याट्सम्यानले दोहोरो अंकमा रन बनाउन सकेनन् । यो आईपीएल इतिहासमा मुम्बईको सबैभन्दा ठूलो हार हो ।
चेन्नईका लागि अकील हुसेनले चार विकेट लिएका थिए ।यो आईपीएल इतिहासमा चेन्नईको सबैभन्दा ठूलो जित हो । यसअघि चेन्नईले २०१४ को सिजनमा अबुधाबीमा दिल्लीविरुद्ध ९३ रनको जित हासिल गरेको थियो ।
