साउन्ड सिस्टममा समस्या देखिएपछि राष्ट्रियसभाको बैठक स्थगित
कष्टकर जीवन विताउन सुकुम्बासी बाध्य, सरकारले आफ्नो बचन पूरा गरेन !
वि.सं.२०८३ जेठ २९ शुक्रवार १०:१०
884
shares
shares
काठमाडौ । जिल्ला प्रशासन कार्यालय काठमाडौले वैशाख ११ गते सुकुम्बासीका घर टहराहरुमाथि डोजर चलाउँदै टहराहरु खाली गराउन निर्देशन दिने क्रममा प्रमाणित भूमिहीनका लागि १०÷१५ दिनभित्र उचित व्यवस्थापन गर्ने व्यवस्था भइरहेको बताएको थियो । तर डोजर चलाएर टहरा भत्काएको करिब ५० दिन पुग्दा पनि अहिलेसम्म खाने बस्ने व्यवस्था बाहेक सरकारले कुनै ठोस योजना ल्याउन सकेको छैन ।
प्रधानमन्त्री बालने काठमाडौ महानगरको मेयर हुँदा नै उनले सुकुम्बासी बस्तीहरु हटाउने योजना बनाएका थिए । तर त्यसबेला उनले तत्कालिन सरकारले आवश्यक सहयोग नगरेको बताउँदै आएका थिए । अहिले तिनै बालेन प्रधानमन्त्री रहेका छन् भने उनैको निर्देशनमा सुकुम्बासी बस्तीहरुमा डोजर चलाइएको थियो ।
अहिले सरकारले नै व्यवस्था गरेको खाने, बस्ने ठाउँमा सरकारी कर्मचारीहरु जग्गा बारे बुझ्ने गरेका छन् । उनीहरुको मुलुकभरमै कहिँकतै जग्गा जमिन छ÷छैन भनेर उनीहरु सुकुम्बासीहरुसँग सोधपुछ गरिरहेका छन् भने अहिले वैँक खाता खोल्न सुकुम्बासीहरुलाई निर्देशन दिँदै आएका छन् । सुकुम्बासीहरुले आफ्नो व्यवस्था कहिले हुन्छ भनेर सोध्दा कोही बोल्न तयार नरहेको सुकुम्बासीहरुले बताएका छन् । घर टहरा भत्काउँदा १० देखि १५ दिनसम्म उचित व्यवस्थापन हुन नसकेको हुनाले सुकुम्बासीहरुले कष्टकर जीवन विताउनु परेको छ ।
प्रधानमन्त्री बालेन साहले १७ गते जेष्ठमा संसदमा बोल्दै ३५ वषसम्म हुन नसकेको व्यवथापन ३५ मिनेटमै नखोज्न सुकुम्बासी र सांसदहरुलाई आग्रह गरेका थिए । उनले सुकुम्बासीहरुलाई जग्गा दिने र बसोबासका लागि समय लाग्ने बताएका थिए । जनताका समस्या साधान गर्ने थलो संसदमै प्रधानमन्त्री साहले अनिश्चित कुरा गरेका हुनाले सुकुम्बासीको व्यवस्थापन अनिश्चित जस्तै भएको छ । सरकारले काठमाडौ, भक्तपुर र काभ्रेमा गरी ७ ठाउँमा होल्डिङ सेन्टर खोलेर सुकुम्बासीलाई राखेको छ । बालाजुस्थित माछापोखरीको लगभग ८४ घरका २ सय ९४, राधास्वामी आश्रम किर्तिपुरमा ६५ घरका ७ सय ७७, भक्तपुरको खरिपाटीको विद्युत प्राधिकरणमा ९९ घरमा ३ सय ५५ जनालाई राखेको छ भने भक्तपुरको बोडेको कृषि विकास बैँकको तालिम केन्द्रमा २४ घरका १ सय ५५, नगरकोटस्थित खानेपानी तालिम केन्द्रमा २१ घरका ८०, बनेपाको रेडक्रस ४४ घरका २ सय ९५ इचंगुनारायण अपार्टमेन्टमा ४७ घरका ७२ जनालाई कष्टकर अवस्थामा राखेको छ । सरकारको तथ्याँक अनुसार हालसम्म ३ सय ८४ घरका १ हजार ४८८ जना होल्डिङ सेन्टरमा राखिएको छ । वर्षाको याममा सरकार आफैँले सुकुम्बासी बस्तीमा डोजर चलाएर सुकुम्बासीलाई कष्टकर जीवन विताउन बाध्य पारेको आरोप सरकारमाथि लागेको छ ।
