नेपालले प्रस्ताव गरेका तीनवटा परियोजनाका अवधारणापत्र जलवायु अनुकूलन कोषको ४७ औँ बोर्ड बैठकबाट स्वीकृत
नेपाली काँग्रेसको महाधिवेशन आज देखी
वि.सं.२०८३ असोज १८ आइतवार ०९:२१
741
shares
shares
काठमाडौं । नेपाली कांग्रेसको १५ औं राष्ट्रिय महाधिवेशन आज (आइतबार)देखि काठमाडौंमा सुरु हुँदैछ ।
आज दिउँसो २ बजे खुलामञ्चमा उद्घाटन हुने महाधिवेशन असोज २२ गतेसम्म जारी रहनेछ । भोलिदेखि बन्दसत्र हुनेछ ।महाधिवेशनमा भाग लिन आएका प्रतिनिधिको सवारीसाधनलाई विभिन्न स्थानमा पार्किङको व्यवस्था गरिएको छ ।
कांग्रेस केन्द्रीय सदस्य एवं महाधिवेशन यातायात व्यवस्थापन समितिका संयोजक विजयबहादुर स्वाँरले महाधिवेशनमा भाग लिन खुलामञ्चमा आउने प्रतिनिधिका लागि ट्राफिक प्रहरीको समन्वयमा विभिन्न स्थानमा पार्किङको व्यवस्था मिलाइएको जानकारी दिए ।संयोजक स्वाँरका अनुसार धरहराको अन्डरग्राउन्ड, माइतीघरदेखि भद्रकालीसम्मको वान वे सडकको एकतर्फी, दरबारमार्गस्थित अन्नपूर्ण होटल परिसरमा पार्किङको व्यवस्थापन गरिएको हो ।
यस्तै, पुरानो बसपार्क आसपास र भृकुटीमण्डपभित्र पनि केही सवारीसाधन पार्किङ गर्नेगरी ट्राफिक प्रहरीसँग समन्वय भइरहेको उनको भनाइ छ ।महाधिवेशनका लागि देशभर र जनसम्पर्क समितिमार्फत सात हजारभन्दा बढी प्रतिनिधिले भाग लिँदैछन् ।
