साताको तेस्रो दिन प्रिओपन सेसनमा नेप्से १ अङ्क भन्दा धेरैले बढेर समग्र बजार २७१९ विन्दु माथि पुगेको छ । सोमबार पनि नेप्से दोहोरो अङ्कले बढेर बजार बन्द भएको थियो ।
यो सेसनमा आज २२ कम्पनीको शेयर खरिद बिक्री भएकोमा १७ कम्पनीको शेयर मूल्य बढेको छ भने ३ कम्पनीको शेयर मूल्य भने घटेको छ । साथै बाँकी कम्पनीको शेयर मूल्य भने यथावत रहेको छ । घलेमाडी जलविद्युत कम्पनीको सबै भन्दा धेरै शेयर कारोबार हुँदा आधा दर्जन भन्दा धेरै कम्पनीको शेयर मूल्य २ प्रतिशतले बढेको छ ।
मौद्रिक नीतिको समीक्षा तथा बैंक ब्याजदरको प्रभाव शेयर बजारमा परेर आइतबार बजार अर्धशतक हाराहारीले घटेको थियो । साथै राजनीतिक रुपमा पनि एमसीसी पास हुने या नहुने विषयले समेत लगानीकर्ता अन्योलमा परेका थिए ।
