नेपालले युएईलाई ३७ रनले हरायो
संयुक्त राष्ट्रसंघमा रुसले गर्यो भिटोको प्रयोग
वि.सं.२०७८ फागुन १४ शनिवार ०९:२७
468
shares
shares
संयुक्त राष्ट्रको सुरक्षा परिषद्मा युक्रेन सँग जोडिएको एक प्रस्तावलाई रुसले भिटो प्रयोग गरेर रोकेको छ । परिषद्मा रुसको आक्रमणलाई निन्दा गर्ने प्रस्तावको पक्षमा ११ सदस्य राष्ट्रले भोट गरेका थिए । तर रुसले स्थायी सदस्यको रुपमा आफ्नो भिटो प्रयोग गरेर त्यसलाई रोकेको हो । यसमा भारत, चीन र यूएईले भाग लिएन ।
संयुक्त राष्ट्रमा रुसी दूतले रुसले युक्रेन या युक्रेनको नागरिक विरुद्ध सैन्य कारबाही सुरु नगरेको र डोनबासका नागरिकको सुरक्षाका लागि आफूहरूले यो कदम उठाएको स्पष्ट पारेका थिए । सुरक्षा परिषद्मा भारतका प्रतिनिधि टीएस तिरुमुर्तिले युक्रेनको पछिल्लो घटनाक्रम बाट भारत चिन्तित रहेको बताउँदै हिंसा चाँडै नै अन्त्य गर्न आग्रह गरे ।
सुरक्षा परिषद्मा युक्रेन माथि रुसको हमला रोक्न र सेना फिर्ता बोलाउनका लागि भोटिङ गरिएको थियो । रुस सुरक्षा परिषद्का पाँच स्थायी सदस्य मध्ये एक हो । उ सँग भिटो प्रयोगको शक्ति रहेको छ । रुसका साथै अमेरिका, चीन, फ्रान्स र बेलायत सँग पनि यो शक्ति रहेको छ ।
संयुक्त राष्ट्रमा अमेरिकी राजदूत लिंडा थोमस ग्रीनफिल्डले रुसको कदमलाई प्राथमिक सिद्धान्त माथिको हमला भएको बताएकी छन् । उनले रुसले भिटोको शक्तिको गलत प्रयोग गरेको बताइन् । उता, युक्रेनका राष्ट्रपछि वोलोदिमिर जेलेन्स्कीले परिषद्मा युक्रेन माथिको हमलाको मुद्दा उठाएकोमा सदस्य राष्ट्रहरुलाई धन्यवाद दिएका छन् ।
