बाग्लुङमा पहिरोमा परी निधन हुनेको सख्या १२ पुग्यो, १ जना बेपत्ता
एप्स मार्फत डलरको अवैध कारोबार गरेको आरोपमा दुई जना विरुद्ध मुद्दा दर्ता
वि.सं.२०७८ चैत १ मंगलवार १७:२९
819
shares
shares
विभिन्न प्रकारका एप्स मार्फत डलरको अवैध कारोबार गरेको आरोपमा राजश्व अनुसन्धान विभागले दुई जना विरुद्ध मुद्दा दर्ता गरेको छ । मोरङको रतुवामाई नगरपालिका-७ का पुस्कर कार्की र बिनिता लिम्बु विरुद्ध ९ करोड ७४ लाख ६९ हजार रुपैयाँ बराबरको बिगो दाबी गर्दै काठमाडौं जिल्ला अदालतमा मुद्दा दायर गरिएको विभागले जनाएको छ ।
उनीहरुले एप मार्फत डलरको अवैध कारोबार गरी क्रिप्टोकरेन्सीमा लगानी गरेको विभागको दाबी छ । आरोपितहरुले बाइनान्स, क्वाइनबेस, प्याक्सफूल जस्ता मोबाइल एपको माध्यमबाट नगद लोड तथा अनलोड गरी अवैध रुपमा अमेरिकी डलरको सटही गरेको विभागले जनाएको छ । आरोपित श्रेष्ठले मेगा बैंक बाट ८६ लाख ८३ हजार, सिटिजन्स बैंक बाट २ करोड ५१ लाख ७६ हजार, एनआईसी एसिया बाट २ करोड ३६ लाख ६२ हजार समेत गरी कुल ७ करोड ५७ लाख ७१ हजार रुपैयाँ बराबरको कारोबारका थिए भने बिनिता लिम्बूले एनआईसी एसिया बैंक बाट २ करोड १६ लाख ९८ हजार रुपैयाँ बराबरको कारोबार गरेको अनुसन्धानमा खुलेको विभागको दाबी छ ।
विभागले आरोपितहरुलाई ९ करोड ७४ लाख ६९ हजार रुपैयाँ बराबरको बिगो रकम जफत गर्न र ३ वर्षसम्म कैद सजाय माग गरेर मुद्दा अदालतमा बुझाएको छ ।
