Abhiyan Weekly

सरकारी लगानी भएका सबै बैंकका अध्यक्षले पदबाट राजीनामा दिए सर्वोच्चका न्यायाधीश शर्मा प्रधानन्यायाधीशमा सिफारिस प्रधान न्यायाधीश सिफारिससम्बन्धी निर्णयका लागि संवैधानिक परिषद्को बैठक जारी कीर्तिपुरमा दिउँसै युवकको हत्या आरोपमा तीन पक्राउ सरकारले सूचना जारी गरेपछि नेकपा एमालेले नयाँ कार्यालय खोज्न थाल्यो भारतले लिपुलेकबारे आफ्नो अडान दोहोर्‍यायो स्वास्थ्य विज्ञान प्रतिष्ठान र केही अस्पतालमा निमित्त जिम्मेवारी तोकियो रातो मत्स्येन्द्रनाथको रथ आगामी असार ३ गते जावलाखेल लगिने कांग्रेस नेता तथा पूर्वमन्त्री कार्की विरुद्ध भ्रष्टाचार मुद्दा दर्ता ३४ बर्ष पछि स्वास्थ क्षेत्रमा ९७७ नयाँ दरबन्दी थपिदै सुनको भाउ प्रतितोला २ लाख ९८ हजार ६ सय रुपैयाँ अध्यादेशले शासन चलाउने भए संसदको आवश्यकता किन ?

पर्सा जिससमा एमाले जसपा गठबन्धन बिजयी

Abhiyan Weekly

वि.सं.२०७९ जेठ २८ शनिवार ०७:३२

559
shares

वीरगञ्ज – जिल्ला समन्वय समिति पर्साको पदाधिकारीका लागि सम्पन्न भएको निर्वाचनमा एमाले र जनता समाजवादी पार्टीबीचको गठबन्धनले जित हासिल गरेको छ। जिल्ला समन्वय समितिको प्रमुख, उपप्रमुख र सदस्य लगायत सबै पदमा एमाले जसपा गठबन्धनका उम्मेदवार विजयी भएका हुन्। समितिको प्रमुखमा गठबन्धनको तर्फ बाट उम्मेदवार रहेका जनता समाजवादी पार्टीका निरञ्जनप्रसाद सा सोनार १५ मत ल्याएर विजयी भएका छन्।

उनका निकटतम प्रतिद्वन्द्वी कांग्रेसका सरोज चौरसियाले १३ मत प्राप्त गरे। उपप्रमुखमा गठबन्धनकै तर्फ बाट उम्मेदवार रहेका एमालेका पुरनप्रसाद कुर्मी १५ मत प्राप्त गरी जित हासिल गरे। उनका निकटतम प्रतिद्वन्द्वी कांग्रेसकी कुमारी सोनीले १३ मत ल्याइन्। सदस्यमा पनि एमाले जसपा गठबन्धन बाट उम्मेदवारी दिएका जसपाका विजय राउत कुर्मी, एमालेका रामप्रसाद यादव, एमालेकै सलिल मियाँ अन्सारी विजयी भएका छन्।

दलित वा अल्पसंख्यक पदमा पनि गठबन्धनको तर्फ बाट उम्मेदवारी दिएकी एमालेकी सुशीला कामी १५ मत ल्याउँदै विजयी भइन्। जिल्ला समन्वय समिति पर्साको शुक्रबार सम्पन्न भएको निर्वाचनमा जम्मा २८ मत खसेको थियो। जिल्लामा रहेका १४ वटै स्थानीय तहका प्रमुख उपप्रमुखले मतदान गरेका थिए। यसअघि ०७४ सालमा सम्पन्न भएको जिसस निर्वाचनमा पनि जसपाकै उम्मेदवार नेक महम्द अन्सारी प्रमुखमा जितेका थिए।

प्रकाशित मिति / समय : वि.सं.२०७९ जेठ २८ शनिवार ०७:३२