Abhiyan Weekly

एनपीएल : चितवनलाई पराजित गर्दै काठमाडौ शिर्षस्थानमा उक्लियो आगामी कात्तिक २७ गतेसम्मको मौसम पूर्वानुमान सार्वजनिक एनपीएल : काठमाडौले दियो चितवनलाई १८१ रनको लक्ष्य देउसी–भैलो कार्यक्रम २४ सै घण्टा सञ्चालन गर्न दिन देशभरका जिल्ला प्रशासन कार्यालयलाई निर्देशन घोप्टेभीरमा खसेको सुख्खा पहिरो पन्छाइएपछि सडक दुईतर्फी रूपमै सञ्चालन पोखराले तोड्यो हारको श्रृखला, कर्णाली बिरूद्ध ६३ रनले बिजयी सामराको शतकमा पोखराले कर्णालीलाई दियो २१८ रनको उच्च लक्ष्य एनपीएलमा आज दुईखेल हुने : कर्णाली र पोखरा तथा चितवन र काठमाडौबीच खेल हुने यस्तो छ आजका सोमवारका लागि तोकिएको विदेशी मुद्राको विनिमय दर तिहारको आज चौथो दिन, गाईपूजा गरिदैँ कस्तो रहला आज सोमवारको मौसम : पश्चिमी वायुको आंशिक प्रभाव कायमै, यी प्रदेशमा हल्का बर्षाको... यू – १९ : महिला क्रिकेट प्रतियोगीताको उपाधि नेपाललाई

कांग्रेसका महामन्त्री थापा सहित यी नेताहरू परे निर्वाचनको कारबाहीमा

Abhiyan Weekly

वि.सं.२०८० साउन ९ मंगलवार १८:१०

845
shares

काठमाडौं । निर्वाचन आयोगले तोकिएको समयभित्र चुनावी खर्च विवरण नबुझाउने २४ सय ३५ जना उम्मेदवारलाई कारबाही गरेको छ । आयोगका प्रवक्ता शालिग्राम शर्मा पौडेलका अनुसार एक हजार ३७ जना प्रतिनिधिसभा सदस्यका उम्मेदवार र एक हजार ३९८ प्रदेश सभा सदस्यका उम्मेदवारलाई जनही १५ हजारका दरले जरिवाना हुने आयोगले ठहर गरेको छ ।

आयोगले गत वैशाख ४ गते निर्वाचन खर्चको विवरण सार्वजनिक गरी त्यसको जानकारी दिन सम्बन्धित उम्मेदवारलाई भनेको थियो । तोकिएको समयभित्र निर्वाचन खर्च विवरण सार्वजनिक गरी जानकारी नगराएका उम्मेदवारहरुलाई निर्वाचन ऐन २०७३ को दफा ३१ को उपदफा ४ बमोजिम १५ हजार जरिवाना रकम तय गरिएको आयोगले जनाएको छ ।

कारबाहीमा पर्नेहरुमा नेपाली कांग्रेसका महामन्त्री गगन थापा, थापासँगै चुनावी प्रतिस्पर्धा गरेका एमाले नेता राजन भट्टराई, जनता समाजवादी पार्टी (जसपा)का अध्यक्ष उपेन्द्र यादव, लोकतान्त्रिक समाजवादी पार्टी (लोसपा)का अध्यक्ष महन्थ ठाकुर, लोसपाकै नेता तथा वर्तमान श्रम रोजगार तथा सामाजिक सुरक्षमन्त्री शरद सिंह भण्डारी, नेपाल समाजवादी पार्टी (नेसपा)का अध्यक्ष एवं हालका खानेपानी महिन्द्र राय यादव, राष्ट्रिय प्रजातन्त्र पार्टी (राप्रपा)का उपाध्यक्ष रवीन्द्र मिश्र, राष्ट्रिय स्वतन्त्र पार्टी (रास्वपा)का सोविता गौतम, रास्वपाकै गणेश पराजुली लगायत छन् ।

यस्तै, परराष्ट्रमन्त्री एवं कांग्रेस नेता एनपी साउद, कांग्रेसका प्रम्ुख सचेतक रमेश लेखक, कांग्रेसकै उमकान्त चौधरी, स्वतन्त्र उम्मेदवार मिलन पाण्डे, अर्का स्वतन्त्र उम्मेदवार रञ्जु दर्शना, सुशासन पार्टीका अध्यक्ष रमेश खरेल लगायत कारबाहीमा परेका छन् । समयमै निर्वाचन खर्च विवरण नबुझाएका कारण पूर्व सभामुख ओनसरी घर्ती मगर पनि १५ हजार जरिवानामा परेकी छन् ।

प्रकाशित मिति / समय : वि.सं.२०८० साउन ९ मंगलवार १८:१०