Abhiyan Weekly

भोटेकोशी बाढी : हिजो असोज १ गते बेलुका सम्ममा १हजार ४१० को शव फेला ५... भारत भ्रमणमा रहेका अर्थमन्त्री वाग्लेको उच्चस्तरीय भेटवार्तामा नेपालको झण्डा नै गायव भोटेकोशी बाढीमा बेपत्ता भएका पत्रकार थामीको अन्त्येष्टी गर्ने परिवारको निर्णय यस्तो छ आज शुक्रवारका लागि तोकिएको विदेशी मुद्राको विनिमय दर कस्तो रहला आज शुक्रवारको मौसम : देशभर मनसुनी वायुको प्रभाव यी प्रदेशमा भारी बर्षाको सम्भावना लोककल्याणकारी बिज्ञापनको कटौती गर्ने बालेन सरकारको निर्णय बिरूध सासद राईको आपति सरकारको आयु चुनावी अंकगणितले मात्र निर्धारण हुँदैन ? कांग्रेस विभाजित हुने नै भो त ? २०८२ भाद्र २३ र २४ को घटनाको निष्पक्ष छानविन होस् २०८२ भाद्र २३ र २४ का विषयमा प्रतिवेदन सार्वजनिक गर बालेनको तालुमा आलु फलेकै हो त ? बालेन सरकारलाई झडका: सविधान संशोधन गर्ने दुवै सदनको दुई तिहाई मत चाहिन्छ : सर्बोच्च अदालत

भारतको दिल्ली विधानसभाको निर्वाचनमा भारतीय जनता पार्टीको जित

Abhiyan Weekly

वि.सं.२०८१ माघ २६ शनिवार १५:०३

780
shares

दिल्ली विधानसभा चुनावमा भारतीय जनता पार्टी (भाजपा)ले बहुमत ल्याउने निश्चित भएको छ।

बुधबार सम्पन्न मतदानको मतगणना शनिबार बिहानदेखि सुरू भएको थियो। दिउँसोसम्मको नतिजाले यसपालि दिल्लीमा भाजपाले बहुमत ल्याउने निश्चित भएको भारतीय सञ्चारमाध्यमहरूले जनाएका छन्।अपराह्नसम्मको मतपरिणामअनुसार ७० मध्ये ८ सिटमा भाजपा उम्मेदवार विजयी भएका छन् भने ४१ सिटमा अग्रता लिइरहेका छन्।त्यस्तै आम आदमी पार्टीका उम्मेदवार ८ सिटमा विजयी र १३ सिटमा अग्रता लिइरहेका छन्। कंग्रेस आईले कुनैपनि सिटमा जित र अग्रता लिएको छैन।दिल्लीका पूर्वमुख्यमन्त्री अरविन्द केजरीवाल नै यसपालि पराजित भएका छन्।

नयाँ दिल्ली सिटमा केजरीवाललाई भाजपाका प्रवेश शाहिब सिंह वर्माले पराजित गरे। उनले ३० हजार २४ मत ल्याएका छन्। त्यो भनेको कुल खसेको मतको ४८.८५ प्रतिशत हो।केजरीवालले २५ हजार ९२५ मत पाए। त्यो भनेको ४२.१८ प्रतिशत हो। कंग्रेस आईका सन्दीप दिक्षितले ४ हजार ५४१ मत ल्याए। उनले ७.३९ प्रतिशत मत पाए।यसअघि २०२० मा अरविन्द केजरीवालले ४६ हजार ७५८ मत ल्याएका थिए। त्यतिबेला भाजपाका सुनिलकुमार यादवले २५ हजार ०६१ मत ल्याएका थिए। भारतीय नेशनल कंग्रेसका ३ हजार २२० मत मात्रै ल्याएका थिए।त्योभन्दा अगाडि २०१५ मा केजरीवालले ५७ हजार २१३ मत ल्याएका थिए। त्यतिबेला भाजपाका नुपुर शर्माले २५ हजार ६३० मत पाएकी थिइन् भने किरण वालियाले ४ हजार ७८१ मत ल्याएका थिए।

दिल्लीमा सन् २०१५ र सन् २०२० मा आम आदमी पार्टीले बहुमत ल्याएको थियो। २०१५ मा ७० मध्ये ६७ सिट र २०२० मा ७० मध्ये ६२ सिट आम आदमी पार्टीले जितेको थियो।केजरीवाल मदिरा बिक्री सम्बन्धी नीतिमा घोटाला गरेको अभियोगमागत मार्च २१ मा पक्राउ पक्राउ परेका थिए।त्यतिबेला लोकसभा चुनावको मुखमा नरेन्द्र मोदी नेतृत्वको सरकारले आम आदमी पार्टीका नेता पक्राउ र कंग्रेस आईको बैंक खाता रोक्का गरिदिएको थियो।

त्यसले नागरिकहरू दिल्लीमा मोदी र भाजपालाई हेर्ने दृष्टीकोण नकारात्मक हुने र यसले कंग्रेस र आपलाई चुनाव जिताउने विश्लेषण थियो। सर्वेक्षणहरूले आप र भाजपाबीच कडा प्रतिस्पर्धा हुने प्रक्षेपण गरेको थियो। नतिजा भने त्यसको उल्टो आउने निश्चित भएको छ।दिल्लीमा सरकार बनाउन ३६ सिट जित्नुपर्छ।

प्रकाशित मिति / समय : वि.सं.२०८१ माघ २६ शनिवार १५:०३