सङ्गठित अपराधमा दाबी नपुग्ने मुद्दामा प्रतिवादी र पीडितबिच मिलापत्र गर्नका लागि महान्यायाधिवक्ता कार्यालयको सरकारी वकिल...
काठमाडौं इटुम्बहालकी आर्यतारा शाक्य नयाँ कुमारीका रूपमा छनोट
वि.सं.२०८२ असोज १२ आइतवार ०८:१६
1.4K
shares
shares
काठमाडौं । काठमाडौं इटुम्बहालकी आर्यतारा शाक्यलाई नयाँ कुमारीका रूपमा छनोट गरिएको छ ।
आर्यतारालाई मंगलबार दिउँसो १२:०५ बजेदेखि १२:१६ बजेको बीचको साइतमा कुमारीको आसन ग्रहण गराउने कार्यक्रम छ । त्यससँगै पुरानो कुमारी तृष्णा शाक्यलाई बाजागाजासहित बिदाइ गरिने छ ।शाक्य महाबिहार संघको आह्वानपछि सिफारिस भएर आएका नामहरुमध्येबाट साढे दुई वर्षकी आर्यतारालाई नयाँ कुमारी छनोट गरिएको हो ।
संघले शहरका १५ बहालहरुलाई पत्र पठाएर नयाँ कुमारीका लागि नाम सिफारिस गर्न भनेको थियो । प्राप्त नामावलीहरुमध्येबाट निर्णायक मण्डल, गुठी संस्थान र पञ्चाङ्ग निर्णायक समितिको समेत सल्लाहमा परम्परागत विधि अनुसार आर्यतारा शाक्यलाई नयाँ कुमारीका रूपमा छनोट गरिएको संघले जनाएको छ ।कुमारीलाई जीवित देवीको रुपमा पुज्ने चलन छ ।
